The news is by your side.

Advertisement

اگرہم ایٹمی قوت نہ ہو تے تو دنیا جینا حرام کردیتی، خواجہ آصف

سیالکوٹ : وفاقی وزیر دفاع خواجہ آصف نے کہا ہے کہ عالمی طاقتیں پاکستان کو کمزور کرنے کے لیے بھارت کے ہاتھ مضبوط کررہی ہیں۔ اگر ہم ایٹمی قوت نہ ہوتے تو دنیا ہمارا جینا حرام کردیتی۔

ان خیالات کا اظہار انہوں نے سیالکوٹ میں منعقدہ  ’’یومِ تکبیر‘‘  کی تقریب سے خطاب کرتے ہوئے کیا، انہوں نے مزید کہا کہ ’’امریکہ نے نوشکی ڈرون حملے سے افغان امن مذاکرات کو شدید نقصان پہنچایا ہے‘‘۔

امریکہ پر تنقید کرتے ہوئے خواجہ آصف نے کہا کہ ایک طرف تو امریکہ بھارت کو اسلحہ فراہم کر کے مضبوط کررہا ہے تو دوسری جانب پاکستان کی امداد اور ایف سولہ طیاروں کو روکا جارہا ہے۔

انہوں نے مزید کہا کہ اب پاکستان صرف امریکہ پر انحصار نہیں کرتا بلکہ اگر ہم پر  دروازے بند کیے گئے تو مجبوراً دوسرے راستے اختیار کرنا پڑیں گے۔

حالیہ ڈرون حملے پر بات کرتے ہوئے وزیر دفاع نے کہا کہ ملا فضل اللہ ہمارے بچوں کو افغانستان میں بیٹھ کر قتل کروارہا ہے مگر آج تک امریکہ کی جانب سے اُس کے خلاف کوئی کارروائی کیوں نہیں کی گئی۔

اس موقع پر انہوں نے چیئرمین تحریک انصاف عمران خان پر طنز یہ جملے کسے اور کپتان کو طنزیہ انداز میں نگراں وزیر اعظم قرار دے دیا۔

 

Comments

comments

یہ بھی پڑھیں