The news is by your side.

Advertisement

خاتون مسافرنے پرواز کا رخ دوبار موڑنے پر مجبور کردیا

لندن: مصر سے مانچسٹر جانے والی پرواز میں غصے سے بپھری خاتون مسافر نے پرواز کا رخ دوبار موڑنے پر مجبور کردیا۔

غیرملکی خبررساں ادارے کی رپورٹ کے مطابق مصر سے مانچسٹر جانے والی ایزی جیٹ فلائٹ کا رخ اس وقت دو بار موڑنا پڑا جب خاتون مسافر نے دوران پرواز ہنگامہ برپا کردیا۔

کونیا اپنے اہلخانہ اور بچوں کے ہمراہ مصر سے مانچسٹر جارہی تھیں، ان کے شور کرنے پر 6 گھنٹے کی پرواز 12 گھنٹے میں مانچسٹر پہنچی۔

رپورٹ کے مطابق پرواز کو پہلے یونان کی طرف موڑ دیا گیا تھا اس کے بعد اٹلی میں فلائٹ لینڈ ہوئی تو مزید تاخیر سے بچنے کے لیے متبادل عملے کا انتخاب کرنا پڑا۔

ایزی جیٹ کے ترجمان نے تصدیق کرتے ہوئے کہا کہ خاتون مسافر کی اچانک مداخلت کی وجہ سے پرواز کو یونان کی طرف موڑ دیا گیا تھا، فلائٹ کا رخ موڑنے کی وجہ سے پرواز مانچسٹر نہیں پہنچ سکتی تھی اس لیے اٹلی میں لینڈنگ کی گئی اور متبادل عملے کا انتخاب کیا گیا۔

معذورخاتون مسافر کونیا کا کہنا تھا کہ میرے لیے یہ ایک خوفناک تجربہ تھا، طیارے میں کئی گھنٹوں تک پھنسی رہی، نشستیں بے حد تکلیف دہ تھیں اور اس کی وجہ سے مجھے ریڑھ کی ہڈی میں شدید تکلیف ہوئی۔

کونیا پرواز میں اپنے 50 سالہ شوہر ’سائمن‘، 13 سالہ بیٹے ’پی جے‘ اور 12 سالہ بیٹی ’میا‘ کے ہمراہ سفر کررہی تھیں، خاتون کی وجہ سے دوسرے مسافروں کو بھی پرواز میں تاخیر کا سامنا کرنا پڑا۔

fb-share-icon0
Tweet 20

Comments

comments

یہ بھی پڑھیں