The news is by your side.

Advertisement

سیف الدین خالد کو تصاویر بنوانے کا بہت شوق ہے: آغا سراج درانی

کراچی: اسپکیر سندھ اسمبلی آغا سراج درانی نے کہا ہے کہ 30 سال سے میڈیا ٹرائل کا سامنا کر رہا ہوں، نیب کے لیے میرے دروازے کھلے ہیں.

اسپیکرسندھ اسمبلی آغا سراج درانی نے کہا کہ وہ احتساب کے لیے تیار ہیں، عمران خان نے اپنی پالیسی کے مطابق لوگ نکالے، البتہ پی ٹی آئی کےایم پی ایزکو تحقیقات کر کے نکالا جاتا، تو بہتر ہوتا.

انھوں نے آج سندھ اسمبلی میں‌ پیش آنے والے واقعے پر تبصرہ کرتے ہوئے کہا کہ کیمرے سامنے آتے ہی کچھ لوگ ایکٹنگ شروع کر دیتے ہیں.

انھوں نے کہا کہ سندھ اسمبلی کے قوانین کا احترام کرنا چاہیے، سیف الدین خالد نے پانی کے ایشو پر افسوس ناک ڈراما کیا، جس کی مذمت کی جانی چاہیے.

پاکستان پیپلزپارٹی کے سنیئر رہنما کا کہنا تھا کہ مسائل کا حل بات چیت میں ہے، سیف الدین خالدا یک پارٹی چھوڑ کر دوسری پارٹی میں گئے ہیں، اگر میں چاہوں توسیف الدین خالد کے خلاف ریفرنس الیکشن کمیشن کوبھیج دوں.

انھوں‌ نے مزید کہا کہ سیف الدین خالد کو تصاویر بنوانے کا بہت شوق ہے، ان کا اقدام اسی شوق کا شاخسانہ ہے، کچھ اسمبلی ممبران بھی انھیں سپورٹ کررہےہیں، میں سیف الدین خالد کااسمبلی میں داخلہ بند کرسکتا ہوں.


رکن سندھ اسمبلی سیف الدین خالد کا انوکھا احتجاج، اسمبلی میں لیٹ گئے


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں