اسلام آباد : اٹارنی جنرل خالدجاوید نے اپوزیشن سے درخواست کی ہے کہ کلبھوشن قومی ایشو ہے اس پر سیاست نہ کی جائے، تفصیلی بریفنگ دینے کو تیار ہیں۔
تفصیلات کے مطابق اٹارنی جنرل خالدجاوید نے الیکشن کمیشن اورکلبھوشن سے متعلق قانون سازی پر گفتگو کرتے ہوئے کہا کہ پاکستان کوتنہاکرنے کا بھارتی ڈیزائن ناکام ہواہے، بھارت پاکستان کودوبارہ عالمی عدالت ،سلامتی کونسل لے جاناچاہتا تھا، اےجی
خالدجاوید کا کہنا تھا کہ بھارت کی پاکستان پرپابندیاں عائد کرانے کی کوششیں سبوتاژ ہوگئیں، کلبھوشن پاکستانیوں کاقاتل اوربھارتی جاسوس ہے، عالمی عدالت انصاف کے فیصلے کے مطابق قانون سازی کی گئی۔
اٹارنی جنرل نے پیشکش کی کہ اپوزیشن چاہے تو تفصیلی بریفنگ دینے کو تیار ہیں، اسلام آبادہائیکورٹ میں کارروائی بھی اسی قانون کےتحت ہو رہی ہے۔
انھوں نے اپوزیشن سے درخواست کی ہے کہ کلبھوشن قومی ایشو ہے اس پر سیاست نہ کی جائے۔
