تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ملزم کی ضمانت پر رہائی کی خوشی میں ہوائی فائرنگ، دوبارہ گرفتار

نئی دہلی : بھارت میں ضمانت منظور ہونے پر ریٹائرڈ فوجی افسر کے بیٹے نے خوشی میں ہوائی فائرنگ کرکے قانون کی دھجیاں اڑا دیں۔

تفصیلات کے مطابق بھارتی ریاست اتر پردیس کے تاریخی شہر آگرہ میں بااثر ملزم نے ضمانت منظور ہونے کا جشن منانے کے دوران ہوائی فائرنگ کرکے ثابت کر دیا کہ بھارت میں قانون کتنا بے بس ہے۔

ملزم نے اپنی ویڈیو خود سماجی رابطوں کی ویب سائٹس پر شیئر کی تاہم ویڈیو سوشل میڈیا پر وائرل ہونے کے بعد بھی پولیس حرکت میں نہ آئی۔

بعدازاں سوشل میڈیا پر ایک اور ویڈیو وائرل ہوئی جس میں ملزم کو سڑک پر ٹھیلا لگانے والے غریب شہری کے سر پر شراب ڈالنے اور شیشے کی بوتل شہری کے سر پر مارتے دیکھا جاسکتا ہے۔

آگرہ پولیس نے ٹھیلے والے کے سر پر بوتل توڑنے کی ویڈیو وائرل ہونے کے بعد ملزم کو گرفتار کیا جس کی شناخت 35 سالہ جیمّی چوہدری کے نام سے ہوئی جو ریٹائرڈ بھارت فوج کے کیپٹن کا بیٹا ہے۔

پولیس نے جیمّی پر این ڈی پی ایس ایکٹ کے تحت مقدمہ درج کرتے ہوئے ملزم کو جیل بھیج دیا۔

بھارتی خبر رساں ادارے کا کہنا تھا کہ جیمّی چوہدری کے خلاف اس سے قبل بھی 20 مقدمات درج ہوچکے ہیں۔

Comments

- Advertisement -