site
stats
کھیل

فری اسٹائل فائٹراحمد مجتبیٰ کی وطن واپسی، پرتپاک استقبال

کوئٹہ : انٹرو مکس مارشل آرٹس میں پاکستان کے فری اسٹائل فائٹر احمد مجتبیٰ اپنے دوستوں سے رقم ادھار لے کر سنگاپور گئے اور ون ایف سی بیلٹ جیت کر لوٹ گئے‘ کوئٹہ میں ائیرپورٹ نوجوان فری سٹائل فائٹر کا پرتپاک استقبال کیا گیا۔

تفصیلات کے مطابق گزشتہ ماہ سنگاپور میں مکس مارشل آرٹس کے فری اسٹائل فائٹ میں ایف سی ون چمپئن بننے والے پاکستانی فائٹر احمد مجتبیٰ بدھ کی صبح کوئٹہ پہنچے تو ائیر پورٹ پر ان کے والدین دوستوں اور ٹریفک پولیس اہلکاروں نے فائٹر کا پرجوش انداز میں استقبال کیا۔

آبائی شہر پہنچنے کے بعد میڈیا سے بات چیت کرتے ہوئے احمد مجتبیٰ کا کہنا تھا کہ ٹائٹیل جیتنے کےلئے انہوں نے سخت محنت کی تھی‘حکومتی سطح پر کسی قسم کی کوئی مالی مدد اور تعاون نہیں ملا۔

مزید پڑھیں : مکسڈ مارشل آرٹ : پاکستان کے ایم ایم اے فائٹراحمد مجتبیٰ ناقابل شکست

انہوں نے بتایا کہ مقابلوں میں حصہ لینے کیلئے وہ دوستوں سے ادھار لیتے ہیں، ایف سی ون ٹائٹل کیلئے سنگاپور کے فائٹر کے ساتھ سخت مقابلہ ہوا، اس کامیابی کے بعد وہ رینکنگ میں دوسرے نمبر پر آگئے ہیں، آئندہ سال فروری میں وہ رشین فائٹر کے ساتھ پہلی پوزیشن کیلئے مقابلہ کریں گے۔

یاد رہے کہ احمد مجتبیٰ نے سنگاپور میں ہونے والے فیدر ویٹ کیٹیگری کے مقابلوں میں ناقابل شکست رہے۔ ورلڈ سیریز آف فائٹنگ گلوبل میں ولفورین کے نام سے پہچان بنانے والے احمد مجتبیٰ کی یہ مسلسل ساتویں کامیابی ہے۔ وہ فیدرویٹ ٹائٹل جیتنے کا بھی اعزاز رکھتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top