لاہور: ملک کے معروف اداکار اور کامیڈین احمد علی بٹ نے بھارتی شاعر اور نغمہ نگار جاوید اختر کو آئینہ دکھاتے ہوئے کہا کہ انہوں نے اپنی فنکارانہ قدر و منزلت کھو دی ہے۔
احمد علی بٹ کا جاوید اختر پر سخت تنقید کرتے ہوئے کہنا تھا کہ کچھ بھارتی فنکاروں کی جانب سے احترام کا بدلہ نہیں ملتا، جس پر وہ سوال اٹھا رہے ہیں۔
یوٹیوب پوڈکاسٹ میں گفتگو کرتے ہوئے بٹ نے کہا کہ جاوید اختر ان بھارتی فنکاروں میں شامل ہیں جنہوں نے اپنی فنکارانہ قدر و منزلت کھو دی ہے، اب وہ فن کی خدمت کے بجائے فن پر بد نما داغ ہیں۔
انہوں نے یاد دلایا کہ جاوید اختر گزشتہ سال پاکستان آئے تھے، جہاں انہیں بھرپور عزت اور احترام سے استقبال کیا گیا، لیکن بٹ کے مطابق اختر نے بعد میں پاکستان کے خلاف زہر اُگلا۔
بٹ کا کہنا تھا کہ میں نے محسوس کیا ہے کہ کچھ بھارتی فنکاروں سے عزت کی توقع کرنا بے معنی ہے، اور وہ ہماری عزت کے مستحق بھی نہیں ہیں۔
’احساس ہو تو کچھ شرم ہونا‘ احمد علی بٹ بابراعظم کی ویڈیو پر پھٹ پڑے
احمد علی کا کہنا تھا کہ اگرچہ وہ خود ایک پرسکون شخصیت رکھتے ہیں، لیکن جب کسی کو اتنی عزت دی جائے اور اس کے بدلے میں بے احترامی یا منفی ردعمل ملے، تو تنقید یا ٹرولنگ ہونا فطری امر ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں