The news is by your side.

Advertisement

والد کی صحت بہتر ہے، چلنا شروع کردیا ہے: احمد اقبال

اسلام آباد: وفاقی وزیر داخلہ احسن اقبال کے بیٹے احمد اقبال کا کہنا ہے کہ ڈاکٹرز نے والد کا معائنہ کیا ہے۔ ان کی صحت بہتر ہے۔

تفصیلات کے مطابق وفاقی وزیر داخلہ احسن اقبال کے بیٹے احمد اقبال نے میڈیا سے گفتگو کرتے ہوئے کہا کہ ایک گولی تھوڑی پیچیدہ جگہ پر ہے تاہم والد کی صحت بہتر ہے انہوں نے چلنا شروع کر دیا ہے۔

انہوں نے بتایا کہ پیر کے دن ڈاکٹرز کی میٹنگ ہوگی۔ ’والد کا پاکستان میں ہی علاج ہوگا یہاں بہترین ڈاکٹرز ہیں۔ ان کے بازو کی 5 گھنٹے سرجری کی گئی‘۔

احمد اقبال نے بتایا کہ کل احسن اقبال کی آرتھو پیڈک انجری کا انسپکشن ہوگا۔

انہوں نے کہا کہ سیاسی اور مذہبی رہنماؤں سمیت تمام لوگوں کا شکر گزار ہوں۔ اقوام متحدہ کی طرف سے پیغام آیا ان کا بھی شکریہ ادا کرتا ہوں۔

انہوں نے مزید کہا کہ احسن اقبال صاحب کو تفتیشی ویڈیو پر شدید تشویش ہے۔ امید ہے مشترکہ تحقیقاتی ٹیم ویڈیو لیک کے ذمہ داران کی نشاندہی کرے گی۔

خیال رہے کہ 7 مئی کو نارروال میں وفاقی وزیر داخلہ احسن اقبال پر قاتلانہ حملہ کیا گیا تھا جس میں وہ زخمی ہوگئے تھے۔

ملزم کا نام عابد حسین ہے جس نے اعتراف جرم کرتے ہوئے کہا تھا کہ اس نے ختم نبوت کے معاملے پر احسن اقبال پر گولی چلائی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں