کراچی: قومی ٹیم کے اوپنر احمد شہزاد کا کہنا ہے کہ میرے بارے میں جھوٹا پروپیگنڈہ کرکے مجھ پر بدتمیز ہونے کا ٹیگ لگا دیا گیا۔
اے آر وائی نیوز کے پروگرام ’باؤنسر‘ میں گفتگو کرتے ہوئے احمد شہزاد نے کہا کہ میرے خلاف ایک رپورٹ بنائی گئی اور اس رپورٹ میں میرا موقف بھی نہیں لیا گیا۔
واضح رہے کہ گزشتہ دنوں احمد شہزاد کا کہنا تھا کہ جس رپورٹ کی بنیاد پر انہیں کرکٹ سے دور کیا گیا اسے منظر عام پر لایا جائے۔
Don't miss it https://t.co/7gIpYOVnUB
— Shoaib Jatt (@Shoaib_Jatt) July 2, 2022
ان کا کہنا تھا کہ اگر کچھ غلط کیا ہے تو اس کا بتایا جائے، سزا دی جائے لیکن کیریئر کے ساتھ نہ کھیلا جائے۔
اس سے قبل احمد شہزاد نے کیریئر میں تنزلی کا ذمہ دار سابق ہیڈ کوچ وقار یونس کو قرار دیا تھا۔
ان کا کنا تھا کہ وقار یونس نے میرے خلاف ایک رپورٹ کرکٹ بورڈ میں جمع کروائی تھی جس میں کہا گیا تھا کہ میں آؤٹ آف فارم ہوں اور قومی ٹیم میں واپسی سے قبل مجھے ڈومیسٹک کرکٹ کھیلنی چاہیئے۔
ان کا کہنا تھا کہ بورڈ میں پیش کی گئی رپورٹ کو انہوں نے خود نہیں دیکھا لیکن ایک نمائندے نے انہیں بتایا تھا کہ میرے اور عمر اکمل کے حوالے سے وقار یونس نے یہ رپورٹ دی ہے۔
احمد شہزاد نے کہا کہ وقار یونس کے ریمارکس نے میرا کیرئیر تباہ کردیا یہ ایک سوچا سمجھا منصوبہ تھا جس کے تحت مجھے ٹیم سے باہر کیا گیا۔
