The news is by your side.

Advertisement

سی پیک پراجیکٹس پرکام کرنے والے چینی ہمارے مہمان ہیں‘ احسن اقبال

اسلام آباد : وفاقی وزیرداخلہ احسن اقبال کا کہنا چینی شہری پاکستان کی تعمیرمیں ہماری مدد کررہے ہیں، ہم چین کی قدر کرتے ہیں اوران کا کنٹربیوشن تسلیم کرتے ہیں۔

تفصیلات کے مطابق سماجی رابطے کی ویب سائٹ ٹویٹر پر اپنے پیغام میں کہا کہ سی پیک پراجیکٹس پرکام کرنے والے چینی ہمارے مہمان ہیں۔

انہوں نے کہا کہ چینی شہری پاکستان کی تعمیرمیں ہماری مدد کررہے ہیں، ہم ان کے کنٹربیوشن تسلیم کرتے ہیں۔

احسن اقبال نے ٹویٹر پراپنے ایک اور پیغام میں کہا کہ پیپلزپارٹی کی اطلاع کے لیے ایف اے ٹی ایف نے 2008 میں پاکستان کوبلیک لسٹ کیا۔

وزیرداخلہ نے کہا کہ ایف اے ٹی ایف نے پاکستان کو2012 میں گرے لسٹ میں شامل کیا، ایف اے ٹی ایف نے پاکستان کو 2012 میں دوبارہ بلیک لسٹ میں ڈالا۔

انہوں نے کہا کہ 2014 میں پاکستان کوبلیک سے گرے لسٹ میں ڈالا گیا، 2015 میں گرے لسٹ سے ہٹا کروائٹ لسٹ میں شامل کیا گیا، 2018 میں دوبارہ پاکستان کوگرے لسٹ کے لیے نامزد کیا گیا۔

یاد رہے کہ گزشتہ روز ترجمان دفترخارجہ ڈاکٹرمحمد فیصل کا کہنا تھا کہ پاکستان گرے لسٹ میں آگیا ہے لیکن بلیک لسٹ میں آنے کا کوئی خدشہ نہیں ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں