این اے 154میں کامیابی ثبوت ہےعوام ترقی کا تسلسل چاہتےہیں‘ احسن اقبال -
The news is by your side.

Advertisement

این اے 154میں کامیابی ثبوت ہےعوام ترقی کا تسلسل چاہتےہیں‘ احسن اقبال

اسلام آباد : وفاقی وزیرداخلہ احسن اقبال کا کہنا ہے کہ پاکستان میں ہونے والے مظاہروں نے ترقی کےعمل کو متاثرکیا لیکن این اے 154 میں کامیابی سے ثابت ہوگیا کہ عوام ترقی کا تسلسل چاہتے ہیں۔

تفصیلات کے مطابق وفاقی وزیرداخلہ احسن اقبال کا کہنا ہے کہ پاکستان 2013 میں مختلف مسائل کا شکارتھا، حکومت سنبھالی توپاکستان میں توانائی کی صورت حال خراب تھی۔

احسن اقبال نے کہا کہ بجلی نہ ہونے کی وجہ سے صنعتیں تباہ ہو رہی تھیں، عوام کو18 سے 20 گھنٹے کی لوڈشیڈنگ کا سامنا کرنا پڑرہا تھا۔

وزیرداخلہ نے کہا کہ پاکستان کے گراؤنڈزآباد ہو رہے ہیں، پاکستان میں پھٹیچرنہیں اچھی ٹیمیں آرہی ہیں۔

احسن اقبال نے کہا کہ لودھراں میں این اے154 کا انتخاب بہت اہم تھا، کامیابی ثبوت ہےعوام ترقی کا تسلسل چاہتے ہیں۔


ضمنی الیکشن لودھراں، مسلم لیگ (ن) فاتح، علی ترین ہار گئے


خیال رہے کہ این اے 154 کے ضمنی انتخاب کے غیرحتمی اورغیرسرکاری نتائج کے تحت مسلم لیگ (ن) کے امیدوار پیراقبال شاہ نے ایک لاکھ 13ہزار 827 ووٹ لے کر میدان مار لیا۔

دوسری جانب پاکستان تحریک انصاف کے امیدوار علی ترین 87 ہزار571 ووٹ ہی لے سکے۔


 خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں