The news is by your side.

حکومت کو پتا ہی نہیں کہ پاکستان کو کس سمت لے کر جانا ہے: احسن اقبال

لاہور: ن لیگ کا کہنا ہے کہ نیب کے چھاپے نے چادر اور چاردیواری کےتقدس کوپامال کیا.

ان خیالات کا اظہار احسن اقبال اور مریم اورنگزیب نے شہبازشریف کےگھرچھاپے پر ردعمل دیتے ہوئے کیا.

نیب کے چھاپے نے چادراورچاردیواری کےتقدس کوپامال کیا

احسن اقبال

احسن اقبال کا کہنا تھا کہ حکومت کو پتا ہی نہیں کہ پاکستان کو کس سمت لے کر جانا ہے، یہ کہتے تھے کہ ہمارے آتے ہی حالات اچھے ہو جائیں گے، اب ان کے وعدے اور دعوے کہاں گئے.

مسلم لیگ کے سینئر رہنما نے کہا کہ اگلے3 سال ریکوری اورگروتھ کا کوئی امکان نہیں، یہ ہمیں 5.8 فی صد گروتھ سے3 فیصد پر لے آئے ہیں، غریب آدمی کی چیخیں نکل گئی ہیں، اپوزیشن کی ریاستی دہشت گردی کے ذریعے آواز کو دبانا چاہتے ہیں.

حکومت نےآتے ساتھ ہی اپنے انتقامی ایجنڈےپرعمل کیا، شہبازشریف کو گرفتارکیا گیا، جو نیب میں پیش ہو رہے تھے، دوران تفتیش شہبازشریف کو گرفتارکیا گیا، کیس کوعدالت نے ردی کی ٹوکری میں پھینک دیا تھا.

مزید پڑھیں: قوم چاہتی ہے کہ طاقتوروں کا احتساب ہو: ندیم افضل چن

احسن اقبال نے کہا کہ عمران خان شہبازشریف کودیکھ کر نروس ہوجاتے ہیں، یہ ملک عمران خان کی جاگیرنہیں ہے.

یاد رہے کہ نیب نے اپوزیشن لیڈر پنجاب اسمبلی حمزہ شہباز کی گرفتاری کے لئے ماڈل ٹاؤن 96 ایچ رہائش گاہ پر چھاپہ مارا تھا، مزاحمت کے پیش نظر حمزہ شہبازکی گرفتاری نہیں ہوسکی اور ٹیم حمزہ شہباز شریف کی رہائش گاہ سے واپس روانہ ہوگئی.

Comments

یہ بھی پڑھیں