The news is by your side.

Advertisement

آج کرپشن کے مگرمچھ ڈرائی کلین ہوکرپی ٹی آئی میں شامل ہورہے ہیں: احسن اقبال

آج مسلم لیگ ن کےخلاف یکطرفہ کارروائی ہو رہی ہے

نارووال: سابق وزیر داخلہ اور مسلم لیگ کے سنیئر رہنما احسن اقبال نے کہا ہے کہ آج مسلم لیگ ن کےخلاف یکطرفہ کارروائی ہو رہی ہے.

ان خیالات کا اظہار انھوں‌ نے کاغذات نامزدگی جمع کرانے کے بعد میڈیا سے گفتگو کرتے ہوئے کیا. ان کا کہنا تھا کہ دوسری جماعتیں خوب مزے لوٹ رہی ہیں، صرف ن لیگ نشانہ ہے.

احسن اقبال نے کہا کہ سب جانتے ہیں‌ کہ 2008 تا2013 کتنی کرپشن ہوئی تھی، مگر آج کرپشن کے مگرمچھ ڈرائی کلین ہوکرپی ٹی آئی میں شامل ہورہے ہیں.

انھوں نے کہا کہ پچھلے پانچ برس میں کے پی، سندھ کے صوبے تجربہ نہ ہونے سے پیچھے رہ گئے، 25 جولائی کا الیکشن پاکستان کےعوام کے لئے ترقی کا ریفرنڈم ہو گا.

احسن اقبال نے کہا کہ پنجاب کے وزیراعلیٰ سے متعلق ہمیں خدشات تھے، نگران وزیراعلیٰ پنجاب کا پی ٹی آئی کی طرف رجحان ریکارڈ کا حصہ ہیں.

سابق وزیر داخلہ نے کہا کہ امید ہے کہ نگراں وزیراعلیٰ اپنی ذمہ داریاں آزادنہ طورپرنبھائیں گے، آزاد الیکشن پاکستان کے مستقبل کے لئے بہت ضروری ہیں.

یاد رہے کہ پنجاب کی صوبائی حکومت اور اپوزیشن میں نگراں وزیر اعلیٰ کے نام پر اتفاق نہیں ہوسکا تھا، جس کے بعد یہ معاملہ الیکشن کیمشن کے پاس چلا گیا، جہاں سے حسن عسکری کا انتخاب ہوا۔ ن لیگ کی جانب سے اس انتخاب پر تحفظات کا اظہار کیا گیا تھا۔


ہم جیتے تو 2023 تک 20 لاکھ نوکریاں پیدا ہوسکتی ہیں: احسن اقبال


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں