The news is by your side.

Advertisement

وزیر داخلہ احسن اقبال صحت یاب، اسپتال سے ڈسچارج

لاہور: وفاقی وزیر داخلہ احسن اقبال صحت یاب ہوگئے جس کے بعد انہیں لاہور کے سروسز اسپتال سے ڈسچارج کر دیا گیا۔

تفصیلات کے مطابق سروسز اسپتال کے میڈیکل بورڈ نے وفاقی وزیر داخلہ احسن اقبال کو صحت یاب ہونے پر ڈسچارج کردیا جس کے بعد اب وفاقی وزیر کی عیادت کے لئے سیاسی شخصیات کی آمد کا سلسلہ مزید تیز ہوچکا ہے۔

اس موقع پر علاج معالجہ کے بورڈ کے سربراہ پروفیسر محمود ایاز نے وفاقی وزیر کو سیاسی سرگرمیاں شروع نہ کرنے کا مشورہ دیتے ہوئے بتایا کہ احسن اقبال کے زخم مندمل ہونے کے بعد ان کے پیٹ کے ٹانکے کھول دیئے گئے ہیں، تاہم احسن اقبال کے بازو کے ٹانکے ایک ہفتے تک کھولے جائیں گے۔


وزیر داخلہ احسن اقبال آئی سی یو سے روم منتقل، صحت تسلی بخش قرار


علاوہ ازیں جمعیت علمائے اسلام (ف) کے سربراہ مولانا فضل الرحمان نے احسن اقبال کی مزاج پرسی کی جس کے بعد میڈیا سے گفتگو کرتے ہوئے ان کا نواز شریف کی تقریر سے متعلق کہنا تھا کہ حساس معاملات پر نواز شریف کو بیان نہیں دینا چاہیے تھا، ایسے بیانات ملکی سلامتی کے خلاف ہیں جو کہ نہیں دیئے جانے چاہیں۔

وفاقی وزیر داخلہ احسن اقبال نے بہترین سروس اور نیک خواہشات پر لوگوں کا شکریہ ادا کیا، احسن اقبال نے کمرے کی بالکونی میں آکر پاکستانی جھنڈا ہلاکر وہاں موجود لوگوں اور اسپتال انتظامیہ کا خصوصی طور پر شکریہ ادا کیا بعد میں انہوں نے جوہر ٹاؤن قبرستان جاکر اپنی والدہ کی قبر پر بھی حاضری دی۔


احسن اقبال پر قاتلانہ حملہ، جی آئی ٹی کی تفتیش، ملزم کا بیان ریکارڈ


یاد رہے گزشتہ روز وفاقی وزیرداخلہ احسن اقبال اپنے ہی حلقے نارروال میں کرسچن کمیونٹی کی کارنر میٹنگ سے خطاب کرکے نکلے تو مسلح شخص نے ان پر فائرنگ کردی تھی ، جس کے نتیجے میں وہ زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں