site
stats
پاکستان

عمران خان کوصرف ستیاناس اوربیڑہ غرق دکھائی دیتا ہے، احسن اقبال

ahsan

اسلام آباد : وفاقی وزیر داخلہ احسن اقبال نے کہا ہے کہ عمران خان کی عینک سے صرف ستیاناس اور بیڑہ غرق دکھائی دیتا ہے، ملک کی ترقی اورخوشحالی کے لئے جمہوریت کا تسلسل ناگزیر ہے۔

ان خیالات کا اظہارانہوں نے پولیس اکیڈمی اسلام آباد میں ایک تقریب سے خطاب کرتے ہوئے کیا، انہوں نے کہا کہ عمران خان ملکی معیشت کو ڈوبتی معیشت قرار دے رہے ہیں، تاہم پاکستان بہتر ہو رہا ہے جس کا ان کو دکھ کھائے جارہا ہے۔

چیئرمین پی ٹی آئی کو اب سیاست میں بالغ ہو جانا چاہئے، عمران خان کی جانب سے قبل از وقت انتخابات کے مطالبے پر ان کا کہنا تھا کہ اس کا مطلب خیبر پختونخوا کو قومی اسمبلی کی پانچ اور بلوچستان کو تین نشستوں سے محروم کرنا ہے، الیکشن نئی مردم شماری پر مقررہ مدت پر ہی ہوسکتے ہیں۔

وفاقی وزیر داخلہ کا کہنا تھا کہ دہشت گردی کے خلاف جاری جنگ اس کے منطقی انجام تک جاری رہے گی، مسلح افواج، پولیس اور قانون نافذ کرنے والے اداروں نے دہشت گردی کے خلاف جنگ میں نمایاں کردار ادا کیا ہے۔


مزید پڑھیں : پی ٹی آئی کا احسن اقبال کیخلاف اقامہ کیس دائر کرنے کافیصلہ


انہوں نے مزید کہا کہ پولیس کی جدید خطوط پر تربیت ضروری ہے تاکہ اسے ہر طرح کے حالات میں مؤثر انداز میں فرائض کی انجام دہی کے لئے تیار کیا جائے، انہوں نے کہا کہ جرائم سے سائنسی بنیادوں پر نمٹنے کے لئے جدید ٹیکنالوجی ناگزیر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top