ورلڈ 11 میں کوئی پھٹیچرکھلاڑی نہیں، سیاسی رنگ نہ دیا جائے: وزیر داخلہ -
The news is by your side.

Advertisement

ورلڈ 11 میں کوئی پھٹیچرکھلاڑی نہیں، سیاسی رنگ نہ دیا جائے: وزیر داخلہ

کراچی: وفاقی وزیر داخلہ احسن اقبال کا کہنا ہے کہ ورلڈ 11 میں کوئی پھٹیچر کھلاڑی نہیں۔ انہوں نے اپیل کی کہ لاہور میں میچز کے انعقاد کو سیاسی رنگ نہ دیا جائے۔ انہوں نے نواز شریف اور ایم کیو ایم لندن کے رہنماؤں میں ملاقات کی بھی تردید کردی۔

تفصیلات کے مطابق بانی پاکستان قائد اعظم محمد علی جناح کے یوم وفات کے موقع پر وفاقی وزیر داخلہ احسن اقبال نے مزار قائد پر حاضری دی۔ انہوں نے بانی پاکستان کی آخری آرام گاہ پر پھول چڑ ھائے اور فاتحہ خوانی کی۔

بعد ازاں میڈیا سے گفتگو کرتے ہوئے وفاقی وزیرداخلہ کا کہنا تھا کہ ورلڈ 11 میں کوئی پھٹیچر کھلاڑی نہیں۔ انہوں نے اپیل کی کہ لاہور میں میچز کے انعقاد کو سیاسی رنگ نہ دیا جائے اور کرکٹ کی واپسی پر تعصب نہیں پھیلانا چاہیئے۔

انہوں نے مزید کہا کہ نیشنل ایکشن پلان پر بھرپور طریقے سے عملدر آمد ہو رہا ہے۔ ملک میں فرقہ واریت کا خاتمہ ہو چکا ہے۔ صوبائی حکومتوں کے ساتھ مل کر دہشت گردی کے خلاف کام کر رہے ہیں۔

وفاقی وزیر احسن اقبال نے سابق وزیر اعظم نواز شریف اور ایم کیو ایم لندن کے رہنماؤں میں ملاقات کی تردید بھی کردی۔


 

Comments

comments

یہ بھی پڑھیں