اسلام آباد: وزیر داخلہ احسن اقبال کا کہنا ہے کہ دہشت گردی کے خلاف جنگ کے اخراجات خود اٹھا رہے ہیں۔ ہمارا بجٹ متاثر ہونے سے دہشت گردی کے خلاف جنگ بھی متاثر ہوگی۔
تفصیلات کے مطابق وزیر داخلہ احسن اقبال نے میڈیا سے گفتگو کرتے ہوئے کہا کہ عالمی برادری دہشت گردی کے خلاف ہماری قربانیوں کا اعتراف کرے۔ دہشت گردی کے خلاف جنگ کے اخراجات ہم خود اٹھا رہے ہیں۔
انہوں نے کہا کہ ہمارا بجٹ متاثر ہونے سے دہشت گردی کے خلاف جنگ متاثر ہوگی۔
احسن اقبال کا مزید کہنا تھا کہ بھارت کی جانب سے ایل او سی پر فائرنگ کی مذمت کرتے ہیں۔ بھارت کی ایل او سی، سیز فائر کی خلاف ورزیاں بزدلانہ اقدام ہیں۔ بھارت بزدلانہ اقدام سے مقبوضہ کشمیر سے توجہ ہٹانا چاہتا ہے۔
گفتگو میں احسن اقبال نے پاکستان تحریک انصاف کے چیئرمین عمران خان کو تیسری شادی کی مبارکباد بھی دی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
