نوجوان نسل دشمن کے ہاتھوں نہیں چڑھنے دیں گے،وزیرداخلہ احسن اقبال -
The news is by your side.

Advertisement

نوجوان نسل دشمن کے ہاتھوں نہیں چڑھنے دیں گے،وزیرداخلہ احسن اقبال

کراچی : وزیر داخلہ احسن اقبال کا کہنا ہے کہ دشمن نوجوانوں کو ورغلا رہے ہیں، نوجوان نسل دشمن کےہاتھوں نہیں چڑھنے دیں گے، مضبوط معیشیت ہی مضبوط ملک کی پہچان ہے۔

تفصیلات کے مطابق کراچی میں کوسٹ گارڈ ہیڈ کوارٹر میں میڈیا سے گفتگو کرتے ہوئے وزیر داخلہ احسن اقبال کا کہنا تھا کہ سول آرم فوسسز ہمارے بارڈرز کی حفاظت کرتے ہیں، سی پیک کے ساتھ پاکستان کی کوسٹل اہمیت ہے، یہاں آنے کا مقصد کوسٹ گارڈ کی تیاریوں کا جائزہ تھا، دہشتگرد، اسمگلرداخلے کے لیے سمندری راستےاستعمال کرتےہیں، مضبوط معیشیت ہی مضبوط ملک کی پہچان ہے۔

وزیر داخلہ کا کہنا ہے کہ خواجہ اظہار پر حملے کے بعد نئے گروپ کو قابو کرلیا ہے، جامعات میں طلبا کی مؤثر نگرانی اور رابطے کا نظام وضع کرنا ہے، نظریاتی دہشتگردی پر تعلیمی اداروں کے حکام اوروالدین کو نظررکھنا ہوگی۔

احسن اقبال نے کہا کہ دشمن نوجوانوں کو ورغلا رہے ہیں ، نوجوان نسل دشمن کےہاتھوں نہیں چڑھنے دیں گے، آج ہمیں وہ نوجوان چاہئے جو نوبل انعام جیتیں، جب کہا جائے پورا نظام چور ہے تو نوجوان تو انتہاپسندی کی طرف راغب ہوگا، صبح شام پگڑی اچھالیں گے تو نوجوان اس سے اثرانداز ہوں گے، نوجوان دلبرداشتہ ہوکرانکی طرف جاتےہیں جوخواب دکھاتے ہیں۔

وزیر داخلہ کا کہنا تھا کہ کراچی کے امن میں رینجرز کا اہم کردار ہے، جسمانی دہشتگردی کیخلاف فورسز اہم کامیابیاں حاصل کررہی ہیں، چوہدری نثار نے جہاں کام چھوڑا ہے اس سے آگے لیکرچلیں گے، چوہدری نثاربھی ن لیگ کی حکومت کی پالیسیوں پر عمل پیرا تھے ، ن لیگ کی حکومت تبدیل نہیں ہوئی ہے۔


مزید پڑھیں : وقت بتائے گا نوازشریف کو ہٹانا ملک کمزور کرنیکی سازش تھی، احسن اقبال


انھوں نے کہا کہ دشمن کی کوشش ہے وہ ملک کوانتشار کی طرف لیکر جائے ، دشمن کی کوشش ہےتوجہ اقتصادی ترقی،سی پیک سے ہٹ جائے ، ہماری کوشش ہےپاکستان کو ایشین ٹائیگر بنائیں، منفی تبصرےکرنیوالےپاک چین دوستی کونقصان نہیں پہنچاسکتے

کلبھوشن کیس کے حوالے سے احسن اقبال کا کہنا تھا کہ کلبھوشن کاکیس عالمی عدالت میں ہےاورمقابلہ کررہےہیں، کلبھوشن کیس میں مؤثر طریقے سے پاکستان کا دفاع کرینگے، مایوسی پھیلانےوالے سی پیک پرغلط فہمیاں نہ پیدا کریں، سول اور عسکری نظام کے ذریعے سرحدوں کو محفوظ بنایا ہے ، عالمی سطح پر پاکستان کے کردار کو سراہا گیا ہے۔

وزیر داخلہ نے کہا کہ عالمی سطح پر پاکستان کے کردار کو سراہا گیا ہے، پاکستان کی قربانیوں،کامیابیوں کی دنیا معترف ہے ، کراچی کے امن کیلئےوفاقی حکومت رینجرز کےذریعے اپنا کردار کررہی ہے، سندھ میں امن وامان کیلئےصوبائی حکومت سے مل کر کوششیں کررہےہیں۔

احسن اقبال کا کہنا تھا کہ چاہتے ہیں آئی جی سندھ کا معاملہ جلد حل ہوجائے ، آئی جی سندھ کے معاملے پر سندھ حکومت سے تنازع پیداہوا ہے، کل گورنرسندھ سے بات ہوئی ہے امید ہے آئی جی کا مسئلہ خوش اسلوبی سے حل ہوجائیگا، آئی جی سندھ کے معاملے پر کوئی بحران نہیں ہوگا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں