امن کے لئے پاکستان نے بھاری قیمت ادا کی: احسن اقبال کی امریکی نائب وزیرخارجہ سے اہم ملاقات Ahsan Iqbal
The news is by your side.

Advertisement

امن کے لیے پاکستان نے بھاری قیمت ادا کی: احسن اقبال

واشنگٹن: پاکستان وزیرداخلہ احسن کا کہنا ہے کہ امن کے لئے پاکستان نے بھاری قیمت اداکی۔ پاک امریکا تعلقات کے لئے مشترکہ فریم ورک کی ضرورت ہے۔

تفصیلات کے مطابق واشنگٹن میں امریکی نائب وزیرخارجہ جان سیلوان سے ملاقات میں وزیرداخلہ احسن اقبال نے کہا کہ دہشت گردوں کے خلاف کامیابیاں نیشنل ایکشن پلان کے تحت حاصل کی گئیں۔

وزیر داخلہ کا کہنا تھا کہ نیشنل ایکشن پلان کی حکمت عملی پرامن، خوشحال پاکستان کے تناظر میں طے کی گئی۔ اندرونی امن کی وجہ سے پاکستان میں اقتصادی ترقی ہورہی ہے۔

اس موقع پر امریکی نائب وزیرخارجہ جان سلیوان کا کہنا تھا کہ پاک امریکا تعاون خطے کے لئے اہم ہے۔ بعض علاقائی عناصرافغانستان میں عدم استحکام چاہتے ہیں۔

ہمیں امداد نہیں برابری کی سطح پرعزت اور وقارچاہیے‘ احسن اقبال

وزیر داخلہ کا کہنا تھا کہ امن کے لئے پاکستانی قربانیوں کے پیش نظر پاک امریکا تعلقات اور مشترکہ فریم ورک کی ضرورت ہے۔

یاد رہے کہ گذشتہ دونوں‌ برطانوی نشریاتی ادارے کو انٹرویو دیتے ہوئے کہا کہ پاکستانی وزیر داخلہ نے کہا تھا کہ ہزاروں جانوں کی قربانی سے پاکستان میں دہشت گردی کا خاتمہ کیا، پاکستان کی دہشت گردی کے خلاف قربانیوں کا اعتراف چاہتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں