The news is by your side.

Advertisement

آج میزائل اور ٹینک قوموں کے لیے بوجھ ہیں: احسن اقبال

اسلام آباد: وفاقی وزیر داخلہ احسن اقبال کا کہنا ہے کہ ایک وقت تھا ٹینک اور میزائل دفاع کے لیے ضروری تھے۔ آج میزائل اور ٹینک قوموں کے لیے بوجھ ہیں۔

تفصیلات کے مطابق وفاقی وزیر داخلہ احسن اقبال نے تقریب سے خطاب کرتے ہوئے کہا کہ ڈوبتی معیشت کو سہارا دے کر ملکی سمت درست کی۔ 10 ہزار میگا واٹ بجلی 4 سال میں سسٹم میں شامل کی۔

انہوں نے کہا کہ موٹر ویز سمیت سڑکوں کا جال بچھایا۔ ایک وقت تھا ٹینک اور میزائل دفاع کے لیے ضروری تھے۔ آج میزائل اور ٹینک قوموں کے لیے بوجھ ہیں۔

احسن اقبال نے کہا کہ لگن اور توانائی ہو تو آگے بڑھنے سے کوئی نہیں روک سکتا۔ ملک سے دہشت گردی کا خاتمہ کر کے امن قائم کیا۔ ٹیکنالوجی کے شعبے میں حکومت نے نمایاں کامیابیاں حاصل کیں۔ روابط بڑھانے سے روزگار اور تجارت میں اضافہ ہوتا ہے۔

وزیر داخلہ نے کہا کہ وژن 2025 سے جلد پاکستان دنیا کی 25 معیشتوں میں شامل ہوگا۔ ملکی ترقی ٹی 20 نہیں ٹیسٹ میچ ہے۔ ترقی کے لیے مستقل مزاجی کے ساتھ آگے بڑھنا ہوتا ہے۔

انہوں نے کہا کہ 70 سال سے اعلیٰ تعلیم کے فروغ کے لیے کام نہیں ہوا، ٹیکنالوجی کے شعبے میں حکومت نے نمایاں کام کیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں