The news is by your side.

Advertisement

عمران خان کی کیفیت اس طالبعلم جیسی ہے جس کی تیاری نہیں ہوتی، وزیر داخلہ

اسلام آباد : وزیر داخلہ احسن اقبال کا کہنا ہے کہ پارلیمنٹ پر لعنت بھیجنا عمران خان کی غیر جمہوری سوچ ہے، عمران خان کی کیفیت اس طالبعلم جیسی ہے جس کی تیاری نہیں ہوتی۔

تفصیلات کے مطابق وزیر داخلہ احسن اقبال کا اپنے بیان میں کہنا ہے کہ پی ٹی آئی انتخابات سے فرار حاصل کرنا چاہتی ہے، پی ٹی آئی استعفوں سے مصنوعی بحران پیدا کرناچاہتی ہے، پارلیمنٹ پر لعنت بھیجنا عمران خان کی غیر جمہوری سوچ ہے۔

وزیر داخلہ کا کہنا تھا کہ جمہوری عمل کےخلاف سازش کامیاب نہیں ہو گی، عمران خان کی کیفیت اس طالبعلم جیسی ہے جس کی تیاری نہیں ہوتی۔

احسن اقبال نے کہا کہ مسلم لیگ ن انتخابات کے لئے تیار ہے، معیشت کی بحالی، لوڈ شیڈنگ اوردہشتگردی کا خاتمہ بڑی کامیابیاں ہیں۔

بھارتی اشتعال انگیزی کے حوالے سے انکا کہنا تھا کہ سیزفائرمعاہدےکی خلاف ورزی بھارتی بوکھلاہٹ کا ثبوت ہے، بھارت کشمیر کے مسئلےسے دنیا کی توجہ نہیں ہٹا سکتا۔


مزید پڑھیں : دھرنےاورتحریکوں کا نہیں‘ آگےبڑھنےاورترقی کرنےکاوقت ہے‘ احسن اقبال


یاد رہے کہ وفاقی وزیر داخلہ احسن اقبال  کا کہنا تھا کہ ملک کے اندر یہ وقت دھرنوں اور تحریکوں کا نہیں آگے بڑھنے اورترقی کرنے کا وقت ہے، ہمارے دشمن ملک میں انتشار پیدا کرکے ہماری ترقی کو روکنا چاہتے ہیں۔

نے عمران خان پر تنقید کرتے ہوئے کہا تھا ک ملک سب سے بڑا مسئلہ لوڈشیڈنگ یا دہشت گردی نہیں عمران خان اور پرویز مشرف جیسے مسٹر کلین ہیں، کرپشن کے سارے بڑے مگرمچھ عمران خان کی چھتری تلے جمع ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں