زعیم قادری کی پریس کانفرنس پر دلی دکھ ہوا: احسن اقبال -
The news is by your side.

Advertisement

زعیم قادری کی پریس کانفرنس پر دلی دکھ ہوا: احسن اقبال

لاہور: سابق وزیر داخلہ احسن اقبال کا کہنا ہے کہ زعیم قادری کی پریس کانفرنس پر دلی دکھ ہوا۔ وہ پہلے پارٹی میں شکایات اٹھاتے، پارٹی کے بڑوں کے سامنے مسئلہ اٹھاتے تو ہم کردار ادا کر سکتے تھے۔

تفصیلات کے مطابق مسلم لیگ ن کے رہنما احسن اقبال نے میڈیا سے گفتگو کرتے ہوئے کہا کہ پارٹی فیصلوں پر شکایت ہے تو پارٹی میں بات ہونی چاہیئے۔

احسن اقبال کا کہنا تھا کہ زعیم قادری کی پریس کانفرنس پر دلی دکھ ہوا۔ زعیم قادری پہلے پارٹی میں شکایات اٹھاتے، پارٹی کے بڑوں کے سامنے مسئلہ اٹھاتے تو ہم کردار ادا کر سکتے تھے۔

انہوں نے کہا کہ کلثوم نواز کی بیماری کی وجہ سے پوری پارٹی پریشان ہے۔ ایسے وقت میں شکایات کے انبار لگانا ٹھیک نہیں تھا۔

احسن اقبال نے کہا کہ یہ تاثر عام ہے کہ مسلم لیگ ن کو ٹارگٹ کیا جا رہا ہے، الیکشن کو صاف شفاف بنانا ہر فرد اور ادارے کا فرض ہے۔

انہوں نے کہا کہ عدالتوں سمیت تمام اداروں کا احترام کرتا ہوں۔ سیاست میں ٹکراؤ کی وجہ سے معاشی طور پر پاکستان تباہ ہو رہا ہے۔ تعاصب کی بنیاد پر سیاست ختم ہونی چاہیئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں