اسلام آباد : وزیر داخلہ احسن اقبال نے جوڈیشل کمپلیکس میں داخلے سے روکنے پر سیکریٹری داخلہ کو انکوائری کا حکم دیا ہے۔
تفصیلات کے مطابق وفاقی وزیرداخلہ احسن اقبال نے سیکریٹری داخلہ کو انکوائری کا حکم دیدیا، احسن اقبال کا کہنا ہے کہ بتایا جائے کہ وزراء کو جوڈیشل کمپلیکس میں داخل ہونے سے روکنے کا کس نے کہا، ماتحت ادارے کے اہلکار وفاقی وزیرداخلہ کو کیسے روک سکتےہیں۔
وفاقی وزیرداخلہ احسن اقبال نے ہدایت کی کہ ڈی جی رینجرز سے رابطہ کر کے آگاہ کیا جائے۔
ذرائع کے مطابق سیکرٹری داخلہ نےچیف کمشنر،آئی جی ، ڈی سی ،ایس ایس پی کوطلب کرلیا جبکہ سول انتظامیہ اور رینجرز کے کوآرڈینیشن پلان کا ایس او پی بھی طلب کیا ہے۔
مزید پڑھیں : وفاقی وزیرداخلہ احتساب کورٹ میں داخلے کی اجازت نہ ملنے پر رینجرز پر برہم، استعفیٰ کی دھمکی
یاد رہے آج صبح نواز شریف کی احتساب عدالت میں پیشی پر رینجرز کی جانب سے وزیرداخلہ احسن اقبال کو جوڈیشل کمپلیکس میں داخلے سے روکا گیا تھا، جس کے بعد وزیر داخلہ احسن اقبال رینجرز پر برہمی کا اظہار کرتے ہوئے مستعفی ہونے کی دھمکی دیتے ہوئے حکومتی رٹ چیلنج کرنے والوں کیخلاف کارروائی کا اعلان کیا اور کہا تھا کہ کٹھ پتلی وزیرداخلہ نہیں بن سکتا ، رینجرز نے چیف کمشنر کے احکامات نہیں مانے۔
وفاقی وزیر داخلہ احسن اقبال نے کہا تھا کہ فورس کہیں اور سے حکم لیکر کارروائی کرے گی تو ایسا نہیں چلے گا، ایک ریاست کے اندر دوسری ریاست نہیں چل سکتی، رینجرز نے سول انتظامیہ کی حکم عدولی کی، سول انتظامیہ کے احکامات کی حکم عدولی کی تحقیقات کروں گا
انھوں نے مزید کہا تھا کہ یہ برداشت نہیں کرسکتاکہ فورس میرے ماتحت ہواوراحکامات کہیں اورسے آئیں۔
