The news is by your side.

Advertisement

‘الزام تراشی کے بجائےاحسن اقبال اپنےگریبان میں جھانکیں’

اسلام آباد: معاون خصوصی برائے سمندرپار پاکستانی زلفی بخاری نے کہا ہے کہ دوسروں پرالزام تراشی کے بجائےاحسن اقبال اپنےگریبان میں جھانکیں۔

مسلم لیگ ن کے رہنما احسن اقبال کے بیان پر ردعمل دیتے ہوئے زلفی بخاری نے کہا کہ نوازشریف جب ملک کے وزیراعظم تھے تو یواےای کا اقامہ تھا، خواجہ آصف وزیردفاع وخارجہ تھے اور یواےای کا اقامہ رکھا ہوا تھا، اسحاق ڈار ملک کےوزیرخزانہ تھےاورسعودی عرب کااقامہ تھا۔

انہوں نے کہا کہ دوسروں پرالزام تراشی کےبجائےاحسن اقبال اپنےگریبان میں جھانکیں، سیاسی دروغ گوئی کی بھی کوئی شرم ہوتی ہےکوئی حیاہوتی ہے، احسن اقبال ہماری فکرچھوڑیں پہلےاپنے اقاموں کاجواب دیں۔

زلفی بخاری نے کہا کہ ہماراجینا مرناپاکستان میں ہے، عمران خان عالمی شہرت یافتہ قومی ہیرو ہیں جن کے اثاثے پاکستان میں ہیں، عمران خان نےسیاسی مافیاکےچنگل سےنجات دلانےکاتہیہ کررکھاہے۔

معاون خصوصی کا کہنا تھا کہ پاکستان مسلم لیگ ن کی قیادت مفرور ہےجنہوں نے لوٹ مار کی وہ بیماری کے بہانےسےچھپتے پھر رہے ہیں، عمران خان کی قیادت میں کرپٹ مافیاکےخلاف اعلان جنگ کر رکھا ہے۔

Comments

یہ بھی پڑھیں