The news is by your side.

Advertisement

جس کے پاس 5 سا ل سے ایک صوبہ ہے وہ صرف تقریریں کررہا ہے‘ احسن اقبال

اسلام آباد : وفاقی وزیرداخلہ احسن اقبال نے عمران خان کی تقریرپرردعمل دیتے ہوئے کہا کہ کیا عمران خان نے زندگی میں کبھی ایک دن کوئی سرکاری دفترچلایا۔

تفصیلات کے مطابق وفاقی وزیردخلہ نے سماجی رابطے کی ویب سائٹ ٹویٹر پر اپنے پیغام میں عمران خان کی تقریر پرردعمل دیتے ہوئے کہا کہ تقریرکا اسکرپٹ2011 کا تھا۔

احسن اقبال کا کہنا تھا کہ جس کے پاس 5 سا ل سے ایک صوبہ ہے وہ صرف تقریریں کررہا ہے، کیا عمران خان نے زندگی میں کبھی ایک دن کوئی سرکاری دفترچلایا۔

وفاقی وزیرداخلہ احسن اقبال کا کہنا تھا کہ کسی ایسے ڈینٹسٹ کے پاس جائیں گے جس نے ایک دن بھی پریکٹس نہ کی ہو؟۔ انہوں نے ڈاکٹرعارف علوی کو مخاطب کرتے ہوئے کہا کہ وہ حقیقت پسند بنیں۔


خون کے آخری قطرے تک عوام کے لیے لڑوں گا‘ عمران خان

خیال رہے کہ گزشتہ روز لاہور میں مینارپاکستان پرجلسے سے خطاب کرتے ہوئےعمران خان کا کہنا تھا کہ خون کے آخری قطرے تک عوام کے لیے لڑوں گا، پاکستانی قوم نے کبھی مجھے مایوس نہیں کیا۔

عمران خان نے وزیراعلیٰ پنجاب پرتنقید کرتے ہوئے کہا تھا کہ ترقی میٹرو سے نہیں بلکہ انسانوں پرخرچ کرنے سے ہوتی ہے۔

چیئرمین پاکستان تحریک انصاف کا کہنا تھا کہ پل اورسڑکیں بنانے ے نہیں بلکہ بہترملک انسانوں پرپیسہ لگانے سے بنتا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں