The news is by your side.

Advertisement

شریف خاندان کے خلاف انتقامی کارروائی ہورہی ہے، احسن اقبال

لاہور/ نارووال : وفاقی وزیر داخلہ احسن اقبال نے کہا ہے کہ شریف خاندان کے خلاف انتقامی کارروائی ہورہی ہے، پوری دنیامیں کہا گیا یہ فیصلہ زیادتی ہے، فیصلوں پر تنقید کرنا ہمارا آئینی اور قانونی حق ہے۔

ان خیالات کا اظہار انہوں نے لاہور میں انسٹی ٹیوٹ آف چارٹرڈ اکاونٹنٹ کے زیر اہتمام سیمینار سے اظہار خیال اور نارووال میں میڈیا سے گفتگو کرتے ہوئے کیا۔

احسن اقبال نے کہا کہ عوام جان چکے نواز شریف اور ان کے بچوں کے خلاف انصاف پر مبنی کارروائی نہیں ہوئی، پوری دنیامیں کہاگیایہ فیصلہ زیادتی ہے، احتساب عدالت سےفیصلہ کروانااسی سکرپٹ کا حصہ ہے۔

احسن اقبال کا کہنا تھا کہ ہم نے نواز شریف کی نااہلی کے فیصلے پر عمل درآمد کردیا، اب فیصلے کے میرٹ پر بات کی جاسکتی ہے۔

ماضی میں دیکھا جائے تو ذوالفقار بھٹو اور جسٹس منیر کیس کے فیصلوں پر بھی عمل ہوا لیکن انہیں تسلیم نہیں کیا گیا۔ ہم سپریم کورٹ یا ججز پر تنقید نہیں کرتے لیکن فیصلوں پر تنقید کرنا تو ہمارا آئینی اور قانونی حق ہے۔

انہوں نے کہا کہ لودھراں الیکشن نے ثابت کر دیا کہ پاکستان کے عوام با شعور ہوچکےہیں، اگرکوئی یہ سمجھتا ہے کہ دباؤ ڈال کر ہمیں جھکالے گا تو یہ اس کی بھول ہے۔

وفاقی وزیر داخلہ کا مزید کہنا تھا کہ پاکستان کے خلاف پابندیوں سےدہشتگردی کے خلاف جنگ متاثرہو گی۔ انہوں نے کہا کہ پاکستان اس وقت ٹیک اوور پوزیشن میں ہے لیکن ملک کوسیاسی عدم استحکام پھیلانے کی کوشش ہورہی ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں