نگراں سیٹ اپ پیپلزپارٹی اور اپوزیشن کا بہت بڑا امتحان ہے: احسن اقبال Ahsan Iqbal
The news is by your side.

Advertisement

نگراں سیٹ اپ پیپلزپارٹی اور اپوزیشن کا بہت بڑا امتحان ہے: احسن اقبال

نارووال: وزیر داخلہ احسن اقبال کا کہنا ہے کہ نگراں سیٹ اپ پیپلزپارٹی اور اپوزیشن کا بہت بڑا امتحان ہے.

تفصیلات کے مطابق وزیر داخلہ احسن اقبال نے نارووال میں میڈیا سے گفتگو کرتے ہوئے کہا کہ پیپلزپارٹی اور اپوزیشن کو بڑا امتحان درپیش ہے. اپوزیشن ناکام ہوئی، تو لوگ سمجھیں گے کسی اور کا کھیل کھیل رہی ہے.

ان کا کہنا تھا کہ اپوزیشن جمہوری عمل پریقین رکھتی ہے، تو مل کر نگراں سیٹ اپ لائے، امید ہے کہ خورشید شاہ اور وزیراعظم کا نگراں سیٹ اپ پر اتفاق ہوجائے گا.

ان کا کہنا تھا کہ نگراں سیٹ اپ پر اتفاق نہ ہونا بدقسمتی ہوگی، اگر خورشید شاہ اور شاہد خاقان عباسی اتفاق نہ کر پائے تو لوگ سمجھیں گے، اپوزیشن کوکسی نے اشارہ کیا.

اس موقع پر انھوں نے کہا کہ پانی کا بحران ایک سنگین مسئلہ ہے، البتہ ہم پاکستان کو بنجر نہیں ہونے دیں گے، اتفاق کے ساتھ چلتے رہے تو پانی کا مسئلہ حل کر لیں گے.

انھوں نے مزید کہا کہ ہمیں عالمی سطح‌ پر جامع منصوبہ بندی کے ساتھ بھارت کا مقابلہ کرنا ہوگا. اس ضمن میں‌ اتفاق رائے ضروری ہے.

یاد رہے کہ آج لاہور میں نادرا پاسپورٹ آفس کی افتتاحی تقریب سے خطاب کرتے ہوئے وزیر داخلہ احسن اقبال نے کہا تھا کہ جمہوریت سے خائف افراد الیکشن سے پہلے احتساب کا نعرہ لگاتے ہیں، ایک جماعت کے خلاف کارروائیوں کا مقصدالیکشن پراثراندازہونا ہے۔


جمہوریت سے خائف الیکشن سے پہلے احتساب کا نعرہ لگاتے ہیں، احسن اقبال


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں