کچھ سیاسی جماعتیں ٹی او آرز پر سیاست کر رہی ہیں، احسن اقبال -
The news is by your side.

Advertisement

کچھ سیاسی جماعتیں ٹی او آرز پر سیاست کر رہی ہیں، احسن اقبال

نارووال: وفاقی وزیر منصوبہ بندی احسن اقبال نے کہا ہے کہ کچھ سیاسی جماعتیں ٹی او آرز پر سیاست کر رہی ہیں، ان کا مسئلہ آف شور نہیں، سیاسی شور کمپنیاں ہیں۔

نارووال میں میڈیا سے گفتگو کرتے ہوئے وفاقی وزیر منصوبہ بندی احسن اقبال کا کہنا تھا کہ سیاسی شور کمپنیوں نے شور مچاتے رہنا ہے، پچھلے 67 سال میں جو کیچ ڈراپ کئے، ان کا خسارہ سی پیک کے چھکے سے پورا ہو جائے گا۔

انہوں نے کہا کہ 2013 میں زرمبادلہ کے ذخائر 10 ارب ڈالر سے کم تھے ، اب 21.6 ارب ڈالر سے تجاوز کر گئے ہیں۔

وفاقی وزیر منصوبہ بندی کا کہنا تھا کہ 2013 سے پہلے دہشگرد ملک پر چڑھائی کر رہے تھے لیکن آپریشن ضرب عضب کے باعث چھپ رہے ہیں، حکومت مزید دو سال کام کرتی رہی تو 2018 میں مخالفین کامیابی حاصل نہیں کر پائیں گے۔ انہوں نے کہا کہ 2018.19 تک 10 ہزار میگاواٹ بجلی سسٹم میں شامل ہو جائے گی اور لوڈشیڈنگ کا خاتمہ ہو جائے گا۔

Comments

comments

یہ بھی پڑھیں