The news is by your side.

Advertisement

اقامے میں معاوضے کی کوئی بات نہیں : احسن اقبال

 لاہور: وفاقی وزیر احسن اقبال کا کہنا ہے کہ تحریک انصاف کو عدالت جانے کی دعوت دیتا ہوں۔ میرے اقامہ میں معاوضے کی کوئی بات نہیں۔

تفصیلات کے مطابق وفاقی وزیر احسن اقبال کا کہنا تھا کہ ہم نے جدوجہد ووٹ کی عزت کے لیے شروع کی ہے۔ آنکھ مچولی کا کھیل کھیلا جا رہا ہے۔

انہوں نے کہا کہ ہماری پالیسیوں سے معیشت میں تیزی آئی، پیداواری صلاحیت بڑھی۔ سی پیک انفرا اسٹرکچر کے منصوبےمکمل ہو رہے ہیں۔ عوام اشارے پر نہیں ترقی اور مشاہدے پر ووٹ دیتے ہیں۔

احسن اقبال نے کہا کہ تحریک انصاف کو عدالت جانے کی دعوت دیتا ہوں۔ میرے اقامہ میں معاوضے کی کوئی بات نہیں۔ مدینہ کے ایڈوائزی بورڈ کا رکن رہا ہوں۔ تحریک انصاف بیلٹ سے مقاصد حاصل نہ کر سکی، دوسرے ذرائع سے چاہتی ہے‘۔

انہوں نے کہا کہ سیاسی مقدمات الیکشن سے پہلے روک دینے چاہئیں۔ اگر 2018 کے الیکشن کو متنازعہ کیا گیا تو سیاسی جھٹکا ہوگا۔ ملک دشمن قوتیں تقسیم کے لیے کروڑوں روپے خرچ کر رہی ہیں۔

احسن اقبال کا کہنا تھا کہ جمہوری حکومت کا تختہ الٹ کر علاقائی شناخت دی گئی۔ جنوبی پنجاب میں علاقائی فرنٹ کھڑا کر دیا گیا۔ ’الیکشن وقت پر ہوں گے کسی نے رکاوٹ ڈالی تو مستقبل سے کھلواڑ ہوگا‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں