برطانوی پارلیمنٹ نے پاکستان کے اداکار احسن خان کو ایوارڈ سے نواز دیا۔
اداکار احسن خان کو انڈسٹری کے لیے خدمات کے اعتراف میں ممبر برطانوی پارلیمنٹ افضل خان کی جانب سے شیلڈ پیش کی گئی ہے۔
انہیں ایوارڈ شیلڈ برطانوی پارلیمنٹ کے کمیٹی روم میں پیش کی گئی، تقریب میں ممبران پارلیمنٹ محمد یاسین اور نصرت غنی نے بھی شرکت کی۔
یہ پڑھیں: احسن خان نے فیملی اور بچپن کی یادیں بتا دیں
اداکار احسن خان نے کہا کہ شوبز انڈسٹری کی خدمت جاری رکھوں گا۔
تقریب کے دوران مقررین نے احسن خان کی مسلسل محنت، ان کی سماجی خدمات اور کمیونٹی کے لیے ان کے کردار کو سراہتے ہوئے کہا کہ یہ ایوارڈ ان کی طویل جدوجہد اور عزم کا اعتراف ہے۔
شرکاء کا کہنا تھا کہ اس طرح کے اعزازات نہ صرف افراد کی حوصلہ افزائی کرتے ہیں بلکہ آنے والی نسلوں کے لیے بھی مثال بنتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں