سرفراز کو ورلڈکپ تک کپتان رکھنے کا فیصلہ مشاورت کے بعد ہوگا، احسان مانی -
The news is by your side.

Advertisement

سرفراز کو ورلڈکپ تک کپتان رکھنے کا فیصلہ مشاورت کے بعد ہوگا، احسان مانی

لاہور: پاکستان کرکٹ بورڈ کے چیئرمین احسان مانی نے کاہ ہے کہ سرفراز احمد کو ورلڈکپ تک کپتان رکھنے کا فیصلہ مشاورت کے بعد کیا جائے گا۔

لاہور میں میڈیا سے غیر رسمی گفتگو کرتے ہوئے احسان مانی کا کہنا تھا کہ ’ محسن خان اور مکی آرتھر تنازع پر میں بات نہیں کروں گا اور سرفراز احمد کو ورلڈ کپ تک کپتان رکھنے یا نہ رکھنے کا فیصلہ مشاورت کے بعد ہی کیا جائے گا‘۔

اُن کا کہنا تھا کہ ’پی سی بی میں دہری ذمہ داریوں پرپالیسی بنارہےہیں،کسی سے بھی معاہدے راتوں رات ختم نہیں کئے جا سکتے، دنیا بھر میں کرکٹ کمیٹیاں تجاویز دینے کیلئےکام کرتی ہیں۔

مزید پڑھیں: سرفراز کی کپتانی سے متعلق محسن خان کے بیان نے نیا تنازع کھڑا کردیا

اُن کا کہنا تھا کہ ’جسٹس قیوم کی رپورٹ میں وسیم اکرم سے متعلق کوئی ممانعت نہیں، اس رپورٹ پر سیاق و سباق سے ہٹ کر بات کی گئی مگر میں تنازع کے حوالے سے کسی سوال کا جواب نہیں دوں گا‘۔

احسان مانی کا کہنا تھا کہ سلمان بٹ کی سلیکشن سے کسی کو نہیں روکا، کھلاڑیوں کے انتخاب کا معاملہ کمیٹی دیکھتی ہے، اظہر علی کاون ڈے سے ریٹائر منٹ کافیصلہ اُن کا ذاتی ہے۔

چیئرمین پی سی بی کا کہنا تھا کہ ’ورلڈ کپ سے پہلےانگلینڈمیں ون ڈے سیریزکا فائدہ قومی کرکٹ ٹیم بہت ہو گا، کھلاڑی بہترین انداز میں کھیل پیش کررہے ہیں‘۔

یہ بھی پڑھیں:  پی سی بی محسن خان کو کرکٹ کمیٹی کا چیئرمین بنا کر مشکل میں آگیا

یاد رہے کہ کچھ روز قبل پاکستان کرکٹ بورڈ کمیٹی کے چیئرمین محسن حسن خان نے سرفراز احمد کی کپتانی سے متعلق بیان دے کر نیا تنازع کھڑا کردیا تھا، اُن کا کہنا تھا کہ ایشیا کپ میں سرفراز احمد کی باڈی لینگویج خاصی منفی تھی اور ٹیسٹ ٹیم کی کپتانی ان کے لیے موزوں نہیں، انہیں اس ذمے داری سے الگ کردینا اچھا ہے۔

دوسری جانب پی سی بی نے کرکٹ کمیٹی کے چیئرمین کے بیان کو غیرضروری اور نامناسب قرار دے دیا تھا۔ بورڈ ذرائع کے مطابق ٹیم مینجمنٹ اور سلیکشن کمیٹی بھی کرکٹ کمیٹی کے سربراہ کے بیان سے خوش نہیں ہیں۔

Comments

comments

یہ بھی پڑھیں