site
stats
پاکستان

ثابت ہوگیا نقیب اللہ کو بے گناہ مارا گیا، اہل خانہ کوانصاف ملے گا، ثنااللہ عباسی

کراچی : ایڈیشنل آئی جی سی ٹی ڈی ثنااللہ عباسی کا کہنا ہے کہ ثابت ہوگیا نقیب اللہ کو بے گناہ مارا گیا، کسی کوماورائےعدالت قتل کی اجازت نہیں دینگے، کچھ برے افسران کی وجہ سے بدنامی ہوئی ، نقیب اللہ محسود کے اہل خانہ کوانصاف ملے گا۔

تفصیلات کے مطابق نقیب کیس پر بنائی گئی تحقیقاتی کمیٹی علی ٹاؤن جا پہنچی، جہاں کمیٹی نےمقتول نقیب اللہ کےوالد اور رشتہ داروں سےملاقات کی، ملاقات میں راؤ انوار اور انکی ٹیم کیخلاف نقیب اللہ کےقتل کی ایف آئی آر درج کرنےکےحوالے سے لائحہ عمل طے کیا گیا۔

اس سے پہلے تحقیقاتی کمیٹی گرینڈ جرگہ پہنچی تھی جہاں ایڈیشنل آئی جی سی ٹی ڈی ثنااللہ عباسی نے جرگے سے خطاب میں کہا کہ کسی کوماورائےعدالت قتل کی اجازت نہیں دینگے، پہلےدن ہی کہا تھا دودھ کا دودھ اور پانی کاپانی ہوگا، اللہ، میڈیا اور عوام کے سامنے جواب دہ ہوں۔

ثنااللہ عباسی کا کہنا تھا کہ کسی کے دباو میں نہیں آئینگے، کچھ برے افسران کی وجہ سے بدنامی ہوئی، پولیس میں کسی کوغیرقانونی کام کی اجازت نہیں دینگے۔

ثنااللہ عباسی نے جرگے کو یقین دلایا نقیب اللہ محسود کے اہلخانہ کو انصاف ملےگا۔


مزید پڑھیں : راؤانوارکا نام ای سی ایل میں ڈال دیا گیا


دوسری جانب نقیب للہ کیس میں بڑی پیشرفت ہوئی اور راؤانوارکے فرار ہونے کے راستے بند کر دیئے گئے، وزارت داخلہ نے تحریری احکامات ملنے پرسابق ایس ایس پی ملیر راؤ انوار کا نام ای سی ایل میں ڈال دیا۔

راؤ انوارکانام ای سی ایل میں ڈالنے کے احکامات سپریم کورٹ نے جاری کئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top