The news is by your side.

Advertisement

مرید عباس کی فیملی کو دھمکیاں مل رہی ہے، ایڈیشنل آئی جی کراچی

کراچی : ایڈیشنل آئی جی کراچی غلام نبی میمن نے کہا مرید عباس کی فیملی کو دھمکیاں مل رہی ہے، پولیس کو مرید عباس کی فیملی کوتحفظ فراہم کرنے کی ہدایت کردی ہے۔

تفصیلات کے مطابق ایڈیشنل آئی جی کراچی غلام نبی میمن نے سندھ اسمبلی میں میڈیاسےگفتگو کرتے ہوئے کہا بارشوں میں کرنٹ لگنےسےہلاکتوں پرمقدمات درج کرنے پر بات ہوئی، لاپرواہی ہوگی تو مقدمات لازمی درج ہوں گے، اب تک کوئی ایسی شکایت سامنےنہیں آئی مقدمہ درج نہ کیاجا رہا ہو ، لواحقین مقدمہ درج کراناچائیں تودرج کرواسکتے ہیں۔

ایڈیشنل آئی جی کراچی کا کہنا تھا کہ کرنٹ لگنے سے ہلاکت ایک تکنیکی مسئلہ ہے، غفلت ثابت ہوئی تو پولیس کارروائی ہو گی۔

مرید عباس کی فیملی کودھمکیوں کی شکایت موصول ہوئی ہے

غلام نبی میمن نے کہا مرید عباس کی فیملی کو دھمکیاں مل رہی ہے، مرید عباس کی فیملی کودھمکیوں کی شکایت موصول ہوئی ہے، پولیس کو مرید عباس کی فیملی کوتحفظ فراہم کرنے کی ہدایت کردی ہے۔

ان کا مزید کہنا تھا مرید عباس کیس میں پولیس دہرےقتل کی تحقیقات کر رہی ہے، کس کاکتنا پیسالگا ہےاس کی تحقیقات کون کرےگا یہ طے ہوناباقی ہے۔

بھتہ جو بھی وصول کرے گا جیل جائے گا

ایڈیشنل آئی جی نے کہا میرا پہلا مقصد پولیس اور عوام کو ایک پیج میں لانا ہے، پرانے تھانے کلچر کو ختم کرنا ہے، بھتہ جو بھی وصول کرے گا جیل جائے گا، اہلکاربھی بھتہ خوری میں ملوث نکلیں توبھتہ خوروں جیساسلوک کیاجائے گا۔

غلام نبی میمن کا کہنا تھا فینسی نمبرپلیٹ کیخلاف مہم میں سویلین بھی شامل ہوگئے۔

Comments

comments

یہ بھی پڑھیں