The news is by your side.

Advertisement

سیلف ڈیفنس کی آڑ میں ظلم کرنے کا حق کسی کو حاصل نہیں: ڈاکٹر امیر شیخ

کراچی: ایڈیشنل آئی جی کراچی پولیس ڈاکٹر امیر شیخ نے کہا ہے کہ سیلف ڈیفنس کی آڑ میں کسی کو ظلم کرنے کا حق حاصل نہیں ہے۔

تفصیلات کے مطابق ارشاد رانجھانی قتل کیس کے تناظر میں اے آئی جی کراچی ڈاکٹر امیر شیخ نے کہا ہے کہ سیلف ڈیفنس کے حق کی بھی حدود ہیں، کسی کو بھی اس کی آڑ میں ظلم کرنے کا حق حاصل نہیں۔

تماشا دیکھنے والے دیگر افراد کے خلاف بھی کارروائی پر غور کر رہے ہیں۔

اے آئی جی کراچی

اے آئی جی کا کہنا تھا کہ جب ارشاد زخمی ہو گیا تو اسے فوراً اسپتال منتقل کرنا ضروری تھا۔

ڈاکٹر امیر شیخ نے کہا کہ اگر ارشاد رانجھانی کسی جرم میں ملوث بھی تھا تو اسے زخمی کرنے کے بعد اسپتال منتقل کرنا لازم تھا۔

کراچی پولیس چیف نے بتایا کہ موقع پر کھڑے تماشا دیکھنے والے دیگر افراد کے خلاف بھی کارروائی پر غور کر رہے ہیں۔

ان کا کہنا تھا کہ ارشاد رانجھانی پر فائرنگ میں ملوث رحیم شاہ کو پولیس نے حراست میں لے لیا ہے، رحیم شاہ کی گرفتاری ڈی آئی جی ایسٹ عامر فاروقی کی سربراہی میں قائم انکوائری کمیٹی کی ابتدائی معلومات کے بعد عمل میں آئی۔

یہ بھی پڑھیں:  کراچی: ارشاد رانجھانی قتل کیس، ملزم رحیم شاہ گرفتار

قبل ازیں، ڈی آئی جی ایسٹ عامر فاروقی نے پریس کانفرنس کرتے ہوئے کہا تھا 6 فروری کو یو سی ناظم کے ہاتھوں ایک شخص ارشاد رانجھانی قتل ہوا، یہ واقعہ رقم چھیننے کا تھا، گاڑی کا شیشہ نیچے کر کے رقم لوٹی گئی، واردات کے ردِ عمل میں رحیم شاہ نے فائرنگ کی۔

عامر فاروقی کا کہنا تھا کہ زخمی کو اسپتال پہنچانے میں تاخیر کی گئی، قانون کسی زخمی کو جائے وقوع پر چھوڑنے کی اجازت نہیں دیتا۔

Comments

comments

یہ بھی پڑھیں