کراچی : ایڈیشنل آئی جی آپریشنز توقیر نعیم نے ایم کیو ایم لندن کے گرفتار دہشت گرد سے متعلق جےآئی ٹی بنانے کیلئے محکمہ داخلہ سندھ کو خط لکھ دیا ہے۔
تفصیلات کے مطابق ایم کیو ایم لندن کے گرفتار دہشت گرد سے متعلق جےآئی ٹی بنانے کا فیصلہ کرلیا گیا ، اس حوالے سے اے آئی جی پی آپریشنز توقیر نعیم نے محکمہ داخلہ سندھ کو خط لکھ دیا ہے۔
پولیس حکام کا کہنا ہے کہ گرفتاردہشت گرد سلیم بیلجیم کاقریبی ساتھی ہے اور حوالہ ہنڈی اوردہشتگردی کی وارداتوں میں ملوث ہے، مبینہ دہشتگرد واحد عرف گڈو اسلحہ ترسیل اور دیگر جرائم میں بھی ملوث ہے۔
مزید پڑھیں : دہشت گردوں کو اسلحہ فراہم کرنے والا ایم کیو ایم لندن کا دہشت گرد گرفتار
گذشتہ روز کاؤنٹر ٹیررازم ڈیپارٹمنٹ (سی ٹی ڈی) نے ایک کارروائی میں کراچی کے علاقے گلستان جوہر سے ایم کیو ایم لندن کے دہشت گرد واحد حسین کو گرفتار کرکے اس کے قبضے سے دستی بم برآمد کرلئے تھے۔
ایس ایس پی عارف عزیز کے مطابق گرفتار دہشت گرد ایم کیو ایم لندن کےسلیم بیلجیئم کے کہنے پر پارٹی کے دہشت گردوں کو اسلحہ فراہم کرتا تھا جبکہ ملزم نے انکشاف کیا ہے کہ وہ پارٹی کے لیے جلاؤ گھیراؤ، بد نظمی اور دیگر کارروائیوں میں ملوث رہا ہے۔
