تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

پاکستان کے لیے 50 کروڑ ڈالر کا اعلان

اسلام آباد: ایشین انفرا اسٹرکچر انویسٹمنٹ بینک کا کہنا ہے کہ پاکستان کو کرونا وائرس کے خلاف اقدامات کے لیے 50 کروڑ ڈالر کی رقم فراہم کی جائے گی، رقم صحت اور دیگر اقدامات کے لیے استعمال ہوگی۔

تفصیلات کے مطابق ایشین انفرا اسٹرکچر انویسٹمنٹ بینک پاکستان کو 50 کروڑ ڈالر کی رقم فراہم کرے گا، بینک کا کہنا ہے کہ رقم پاکستان کو کرونا وائرس کے خلاف اقدامات کے لیے دی جائے گی۔

ایشین بینک کا کہنا ہے کہ رقم معیشت پر منفی اثرات زائل کرنے کے لیے استعمال ہوگی، رقم صحت اور دیگر اقدامات کے لیے استعمال ہوگی، اس پروگرام میں ایشیائی ترقیاتی بینک بھی حصہ دار ہوگا۔

ایشین بینک کے مطابق کرونا وائرس سے پاکستانی معیشت کو خاطر خواہ نقصان ہوا ہے، پاکستان اس وقت معاشی بحالی کے دور سے گزر رہا تھا۔ رواں سال پاکستان میں ترسیلات زر اور برآمدات میں 2 ارب ڈالر تک کمی کا خدشہ ہے۔

ایشین بینک کی جانب سے کہا گیا کہ مجموعی ریونیو میں 6 ارب ڈالر تک کی کمی کا خدشہ ہے، یہ کمی ملکی مالیاتی خسارے میں اضافے کا باعث بنے گا۔

ایشین انفرا اسٹرکچر انویسٹمنٹ بینک نے سنہ 2020 میں فارمل اور ان فارمل سیکٹر میں بے روزگاری میں اضافے کا خدشہ بھی ظاہر کیا ہے اور کہا ہے کہ پاکستانی حکومت نے برق رفتاری سے ساڑھے 7 ارب ڈالر کا پیکج دیا ہے۔

Comments

- Advertisement -