پاکستان کی معروف گلوکارہ آئمہ بیگ نے شوہر زین احمد سے علیحدگی کی افواہوں کے بعد ان کے ساتھ نئی ویڈیو شیئر کر کے تمام قیاس آرائیوں کو مستردکر دیا۔
گزشتہ دنوں آئمہ بیگ نے اچانک اپنا انسٹاگرام اکاؤنٹ غیر فعال کردیا تھا، جس کے ساتھ ہی ان کی شادی کی تمام تصاویر بھی ڈیلیٹ ہوگئیں تھی۔
گلوکارہ کے اس طرح اچانک سوشل میڈیا سے غیر معال ہونے پر مداحوں میں تشویش کی لہر دوڑ گئی تھی اور قیاس آرائیاں کی جا رہیں تھی کہ شادی کے مختصر عرصے کے بعد ہی ممکنہ طور پر ان کی اور زین احمد کی علیحدگی ہوگئی ہے۔
View this post on Instagram
تاہم اب آئمہ بیگ نے ناصرف انسٹاگرام پر واپسی کے ساتھ اپنی سولوالبم کا عندیہ دیا ہے بلکہ انہوں نے اپنے شوہر کے ہمراہ ایک ویڈیو شیئر کی جس میں ان دونوں کو خوش و خرم دیکھا جا سکتا ہے، اس ویڈیو کے ساتھ ہی گلوکارہ نے علیحدگی سے متعلق تمام زیر گردش خبروں کو مسترد کردیا۔
دوسری جانب زین احمد کے انسٹاگرام اکاؤنٹ پر بھی شادی کی تصاویر دوبارہ واپس آگئی ہیں، جس سے ان کی علیحدگی کی افواہیں ختم ہوگئی ہیں۔
خیال رہے کہ آئمہ بیگ نے رواں سال اگست میں دوست زین احمد سے کینیڈا میں ایک سادہ تقریب میں شادی کی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں