تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

دنیا کا سب سے بڑا جھولا سیاحوں کا خیر مقدم کرنے کے لئے تیار

ابوظبی: یو اے ای نے ایکسپو دوہزار بیس میں شرکت کرنے والے سیاحوں کو بڑی خوشخبری سنادی ہے۔

میڈیا رپورٹ کے مطابق اماراتی حکومت نے دنیا کے سب سے بڑے اور لمبے جھولے’ عین دبئی ‘ کو عوام کے لیے کھولنے کا اعلان کر دیا ہے۔

بلیو واٹر آئس لینڈ پر بنایا گیا یہ جھولا 250 میٹر بلند ہے اور 360 ڈگری کا نظارہ پیش کرتا ہے، جھولے میں 48 پوڈز نصب ہیں اور ہر ایک میں 10 افراد کے بیٹھنے کی گنجائش ہے جو جلد ہی شہر کے اہم پرکشش مقامات میں شامل ہو جائے گا۔

لندن آئی سے تقریبا دو گنا اونچائی پر بنایا گیا عین دبئی مہمانوں کو 250میٹر بلندی تک لے جائے گا، جہاں وہ دبئی اسکائی لائن کا شاندار منظر سے لطف اندوز ہوسکیں گے۔

ایک بار پورا چکر لینے میں یہ جھولا 38 منٹ کا وقت لے گا، جھولے کے کیبنز کو انتہائی پر تعش طریقے سے ڈیزائن کیا گیا ہے، جو ڈنر کے ساتھ ساتھ پارٹی کے لیے بھی استعمال کیا جا سکے گا، ان کیبنز میں سالگرہ، منگنی اور شادیوں کی تقریبات بھی منعقد کی جا سکیں گی۔

یہ بھی پڑھیں: دنیا کے سب سے بڑے جھولے ’عین دبئی‘ کے ٹکٹ کی قیمت کتنی ہے؟

کیبن کو تین حصوں میں ڈیزائن کیا گیا ہے، جس میں پہلی آبزرویشن کیبنز، سوشل کیبنز اور پرائیویٹ کیبنز شامل ہیں۔ آبزرویشن کیبنز ان لوگوں کے لیے بہترین پلیٹ فارم مہیا کرتی ہیں جنہوں نے پہلے کبھی دبئی کا 360 ڈگری کا مشاہدہ نہیں کیا۔

عین دبئی کی ٹکٹوں کی فروخت کا آغاز بھی ہوچکا ہے، فی شخص ٹکٹ کی قیمت 130 درہم مقرر کی گئی ہے جبکہ 3 سے 12 سال کے بچوں کا ٹکٹ 100 درہم ہوگا۔

Comments

- Advertisement -