The news is by your side.

Advertisement

فضائی پابندی: سعودی حکومت اہم اعلان کرنے جارہی ہے؟

ریاض: سعودی محکمہ پاسپورٹ وامیگریشن(جوازات) نے غیرملکی کی جانب سے آن لائن پوچھے گئے ایک اور اہم سوال پر وضاحت پیش کی ہے۔

عرب میڈیا کی رپورٹ کے مطابق جوازات سے ایک غیرملکی نے استفسار کیا کہ میری فیملی خروج وعودہ پر مملکت سے گئی لیکن سفری پابندی کے باعث دوبارہ نہیں لوٹ سکی، کیا ایگزٹ ری انٹری ویزے کی توسیع 31 جولائی سے زائد بھی کی جاسکتی ہے؟۔ جس پر محکمہ پاسپورٹ نے وضاحت پیش کی۔

سعودی محکمہ پاسپورٹ نے کہا کہ ایسے ممالک جن پر حکومت نے فضائی پابندی عائد کی ہوئی ہے وہاں موجود اقامہ اور ویزے ہولڈرز اپنے دستاویزات کی توسیع مفت میں صرف 31 جولائی 2021 تک ہی کرواسکتے ہیں جو رعایت سعودی حکام نے دی ہے، اس مدت سے زائد معیاد بڑھانے کے احکامات ابھی نہیں آئے۔

سعودی عرب: سفری پابندی کے شکار غیرملکی ملازمین سے متعلق اہم خبر آگئی

جوازات کا کہنا تھا کہ اس ضمن میں جیسے ہی کوئی اعلان حکومت کرے گی غیرملکیوں کو آگاہ کردیا جائے گا۔

قبل ازیں سعودی شہری نے محکمہ پاسپورٹ سے سوال کیا کہ فمیلی ڈرائیور ایسے ملک سے تعلق رکھتا ہے جہاں پر سفری پابندی عائد ہے اور وہ مملکت لوٹ نہیں سکتا، میں نے اپنے ڈرائیور کا خروج وعودہ 2 بار تجدید کیا ہے کیا مزید بھی کیا جا سکتا ہے؟۔ جوازات نے وضاحت پیش کی کہ بیرون ملک گئے ہوئے ملازمین کے خروج وعودہ یا اقامہ کی مدت میں توسیع ‘اختیاری وسائل’ کو بھی استعمال کرکے کی جا سکتی ہے، اس طرح مزید توسیع ممکن ہے۔

Comments

یہ بھی پڑھیں