تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جہاز کا عملہ خاتون کو طیارے میں‌ سوتا چھوڑ گیا

اوٹاوا : کینیڈین ایئرلائن میں سفر کرنے والی ایک خاتون نے دعویٰ کیا ہے کہ اسے دوران پرواز نیند آگئی تھی اور جب آنکھ کھلی تو جہاز مسافروں سے خالی تھا اور عملہ اسے اندھیرے میں اکیلا چھوڑ کرچلاگیا تھا۔

تفصیلات کے مطابق جہاز میں اکیلے رہ جانے کا واقعہ کینیڈا کے شہر ٹورنٹو میں پیش آیا جب جہاز کا عملہ کیوبک سے ٹورنٹو تک سفر کرنے والی ایک خاتون کو پرواز میں سوتا چھوڑ گیا، ٹفینی ایڈمز نامی خاتون نے 9 جون کوایئر کینیڈا کے ساتھ 90 منٹ کا سفرکیاتھا۔

غیر ملکی خبر رساں ادارے کا کہنا تھا کہ ٹورنٹو ایئرپورٹ پرخاتون کی آنکھ کھلی تو طیارہ لینڈ ہوچکا تھا اور دروازے لاک تھے اور ناجانے کیسے متاثرہ خاتون عملے کی نظروں میں نہیں آسکی اور اندر ہی رہ گئیں۔

ٹفینی ایڈمز کا کہنا تھا کہ رات کو سردھی کے باعث میری آنکھ کھلی خود کو سیٹ سے بندھا ہوا پایا لیکن جہاز لینڈہوچکا تھا، اندھیرے خود کو ایسی حالت میں پایا وہ ایک خوفناک خواب جیسا تھا۔

غیر ملکی میڈیا کا کہنا تھا کہ متاثرہ خاتون نے اس واقعے کو دہشت ناک قرار دیا۔

خبر رساں ادارے کا کہنا تھا کہ ایئرکینیڈا نے واقعے کی تصدیق کرتے ہوئے بتایا کہ کمپنی اس کی تحقیقات کررہی ہے کہ عملہ کیسے خاتون کو دیکھنے سے قاصر رہا۔

میڈیا رپورٹس کے مطابق خاتون نے ایئر کینیڈا کے فیس بُک پیج پر پیغام ارسال کیا کہ ‘میں ڈیڑھ گھنٹے کی مختصر پرواز کے دوران سو گئی تھی، جب میں آدھی رات کو شدید ٹھنڈ کی وجہ سے بیدار ہوئی (پرواز لینڈ ہونے کے کئی گھنٹے بعد) تو میں تاحال اپنی نشست پر بیلٹ سے بندھی تھی اور ارگرد مکمل تاریکی تھی’۔

خاتون نے بتایا کہ خوفناک واقعے کے دوران میں نے اپنی دوست ڈیانا کو کال کی تاہم میرے موبائل کی بیٹری ختم ہوگئی تھی جس کے بعد میں نے اپنا موبائل فون چارج کرنا چاہا لیکن طیارے میں بجلی بند ہونے کے باعث موبائل بھی چارج نہیں کررسکی۔

متاثرہ خاتون نے بتایا کہ مجھے کاکپٹ سے ایک ٹارچ ملی جس کی مدد سے میں نے جہاز کا دروازہ کھولا لیکن پھر بھی طیارےسے باہر نہیں جاسکتی تھی کیونکہ میں 50 فٹ کی بلندی پر تھی۔

خاتون کا کہنا تھا کہ میں وہی بیٹھ گئی اور کچھ دیر بعد سامان اٹھانے والی گاڑی نظر آئی تو ٹارچ نے سگنل دئیے جس کے بعد سامان اٹھانے والا عملہ مجھے اس وقت طیارے میں دیکھ کر حیران رہ گیا۔

ٹفینی ایڈمز کا کہنا تھا کہ ایئرکینیڈا نے مجھے لیموزین کار اور ہوٹل کی پیش کش کی تاہم نے میں نے پیشکش ٹھکراتے ہوئے کہا کہ مجھے جتنی جلدی ہوسکے گھر روانہ کریں۔

ایئر کینیڈا نے واقعے کی تصدیق کرتے ہوئے کہا کہ ناجانے کیسے جہاز کا عملہ خاتون کو دیکھنے سے قاصر رہا ، کمپنی واقعے کی پوری تحقیق کرے گی۔

Comments

- Advertisement -