The news is by your side.

Advertisement

پاکستان کی خوشحالی کا دارومدار بلوچستان کی ترقی پر ہے، ایئرچیف مجاہد انور خان

اسلام آباد: ایئرچیف مارشل مجاہد انور خان نے کہا ہے کہ پاکستان کی خوشحالی کا دارومدار بلوچستان کی ترقی پر ہے۔

تفصیلات کے مطابق نیشنل سیکیورٹی ورکشاپ بلوچستان کے شرکا نے ایئر ہیڈ کوارٹر کا دورہ کیا، وفد میں مختلف شعبوں سے وابستہ نمایاں شخصیات شامل تھیں۔

ترجمان پاک فضائیہ کے مطابق ایئر چیف مارشل مجاہد انور خان نے وفد کے شرکا سے گفتگو کی۔

ایئر چیف مارشل مجاہد انور خان نے کہا کہ پاکستان کی خوشحالی کا دارومدار بلوچستان کی ترقی پر ہے، بلوچ نوجوانوں کو قومی ترقی کے دھارے میں لانے کے لیے اقدام کررہے ہیں۔

ایئر چیف مارشل نے کہا کہ فضائیہ دیگر اداروں سے مل کر اس ضمن میں ہر ممکن اقدام کررہی ہے۔

مزید پڑھیں: دشمن کیخلاف آپریشن سوفٹ ریٹارٹ ہمیشہ یادرکھا جائے گا، ایئر چیف

دوسری جانب روسی بری افواج کے سربراہ نے پاک فضائیہ کے سربراہ سے ملاقات کی جس میں ایئر اچیف نے پاک فضائیہ کے ملکی سطح پر جاری مختلف منصوبہ جات پر روشنی ڈالی۔

ترجمان پاک فضائیہ کے مطابق پاک فضائیہ کے چاق و چوبند دستے نے معزز مہمان کو گارڈ آف آنر پیش کیا۔

معزز مہمان نے یادگار شہدا پر پھول چڑھائے، پاک فضائیہ کی پیشہ ورانہ مہارت کو سراہا اور دہشت گردی کے خلاف جنگ میں پاک فضائیہ کے کلیدی کردار کی تعریف کی۔

Comments

یہ بھی پڑھیں