The news is by your side.

Advertisement

جنگِ عظیم دوئم میں استعمال ہونے والا طیارہ ،دریا میں گر کر تباہ

ہڈسن: جنگی طیارہ ’’پی -47 تھنڈر بولٹ‘‘ واشنگٹن برج سے 3.2 کلومیٹر کی دوری پر نیو یارک اور نیو جرسی کے درمیان بہنے والے دریا ’’ہڈسن‘‘میں گر کر تباہ ہو گیا۔

تفصیلات کے مطابق امریکی ایئرفورس میوزیم کی 75 ویں سالگرہ کے موقع پر ایک خصوصی ویڈیو بنائی جا رہی تھی،جس میں تین جنگی طیاروں نے حصہ لیا، جن میں سے ایک طیارہ ’’پی -47 تھنڈر بولٹ‘‘ واشنگٹن برج سے 3.2 کلومیٹر کی دوری پر نیو یارک اور نیو جرسی کے درمیان بہنے والے دریا ’’ہڈسن‘‘میں گر کر تباہ ہو گیا۔

واقعہ کے تین گھنٹے بعد غوطہ خوروں نے دریا سے 56 سالہ شخص کی لاش برآمد کر لی، جس کے بارے میں خیال کیا جارہا ہے کہ وہ مبینہ طور جہاز کے پائلیٹ کی لاش ہے۔

فوری طور پر طیارہ کے تباہ ہونے کی کوئی وجہ سامنے نہیں آسکی ہے تاہم خیال کیا جاتا ہے کہ طیارہ کا انجن فیل ہو گیا ہوگا،واپسی آتے وقت طیارے سے دھواں نکلتا ہوا نظر آیا اور طیارہ ہچکولے کھاتے ہوئے دریا میں جا گرا۔

واضح رہے بدنصیب طیارے نے جنگَ عظیم دوئم میں حصہ لیا تھا،اسی لیے تاریخی اہمیت کے حامل اس طیارے کو ویڈیو شوٹنگ کے لیے منتخب کیا گیا تھا،تاکہ ویڈیو حقیقت سے قریب تر لگے۔

Comments

comments

یہ بھی پڑھیں