نئی دہلی: بھارت سے امریکا جانے والی پرواز میں چمگادڑ کی موجودگی نے کھلبلی مچادی۔
بھارتی میڈیا رپورٹس کے مطابق نئی دہلی سے امریکا جانے والی ایئر انڈیا کی پرواز میں چمگادڑ کی موجودگی کا پتا چلنے پر مسافر خوفزدہ ہوگئے۔
طیارے میں چمگادڑ کی موجودگی پر جہاز کو واپس نیو دہلی ایئرپورٹ پر اتار لیا گیا۔
وائرل ویڈیو میں ایئر انڈیا کے طیارے میں ایک چمگادڑ کو اڑتے دیکھا جاسکتا ہے، طیارے کو جس وقت واپس اتارا گیا اس وقت تک جہاز 30 منٹ تک سفر کرچکا تھا۔
ڈی جی سی اے کے سینئر عہدیدار کا کہنا ہے کہ طیارے کی روانگی کے تیس منٹ بعد کپتان نے طیارے کو واپس اتارنے کا کہا اور بتایا کہ طیارے میں چمگادڑ کی موجودگی کے باعث طیارہ واپس اتارنا چاہتے ہیں۔
انہوں نے بتایا کہ بزنس کلاس ایریا میں چمگاڑ جہاز کے اندر مردہ پایا گیا تھا۔
عہدیدار کے مطابق تحقیقات کے لیے اس واقعے کی اطلاع ایئرلائن کے فلائٹ سیفٹی ڈیپارٹمنٹ کو دی گئی، انجینئرنگ ٹیم سے واقعے سے متعلق تفصیلی رپورٹ طلب کی گئی ہے۔