site
stats
پاکستان

نجی ایئر لائن کو ملتان اور فیصل آباد سے بین الاقوامی فلائٹس کی اجازت

کراچی: سندھ ہائی کورٹ نے شاہین ایئرلائن کو ملتان اور فیصل آباد سے بین الاقوامی پروازوں کی اجازت دے دی۔

ہائی کورٹ نے یہ فیصلہ 5 مئی کو سماعت کے بعد سنایا، عدالتی اجازت کے بعد شاہین ایئر لائن کی پرواز این ایل 678 اور این ایل 679 شیڈول کے مطابق 7 مئی کو روانہ ہوگی۔

شاہین ایئرلائن کو انٹرنیشنل روٹس کی اجازت 8 مئی تک دی گئی ہے، اس ضمن میں عدالت میں اگلی سماعت 8 مئی کو ہوگی۔

شاہین ایئرلائن کے ترجمان نے کہا ہے کہ انصاف ملنے پر وہ سندھ ہائی کورٹ کے شکر گزار ہیں۔

شاہین ایئر لائن کی ملتان اور فیصل آباد سے انٹرنیشنل پروازوں کا آغاز بالترتیب 23 مئی اور 2 مئی سے ہونا تھا لیکن سول ایوی ایشن نے ان پروازوں پر پابندی عائد کردی تھی جس پر شاہین ایئرلائن نے پابندی کے فیصلے کو سندھ ہائی کورٹ میں چیلنج کردیا تھا۔

ترجمان شاہین ایئرلائن نے کہا ہے کہ سول ایوی ایشن اتھارٹی نے شاہین ایئر لائن کو بند کی گئی فلائٹس کو اڑانے کی اجازت دے دی لیکن سول ایوی ایشن اتھارٹی کی جانب سے نئے اجازت نامہ سے ایئر لائن کو لاکھوں روپے کا نقصان ہو گا۔

سول ایوی ایشن اتھارٹی کی جانب سے پاکستانی وقت کے مطابق دی جانے والی اجازت سی اے اے اور انٹر نیشنل اسٹینڈرڈ کے بھی خلاف ہے، سی اے اے کی جانب سے ملنے والی اجازت سے رات 12 بجے کے بعد 8 مئی شروع ہونے سے پرواز آپریٹ کرنے میں مشکلات ہوں گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top