نئی دہلی: عالمی سطح پر بھارت کو ایک اور دھچکا لگ گیا، دنیا کے 30 بدترین فضائی آلودگی والے شہروں کی فہرست میں بھارت کے 21 شہر شامل ہوگئے۔
غیرملکی خبررساں ادارے کی رپورٹ کے مطابق ہر سال فضائی آلودگی کے حوالے سے رپورٹ جاری کرنے والے سوئٹزرلینڈ و امریکی ادارے ایئرکوالٹی (آئی کیو) نے تازہ رپورٹ شایع کی جس کے تحت دنیا بھر میں 30 بدترین فضائی آلودگی والے شہروں کی فہرست میں بھارت کے 21 شہر شامل ہیں۔
آئی کیو ایئر کو عالمی ادارہ صحت (ڈبلیو ایچ او) سمیت دیگر ماحولیاتی ایجنسیوں کا بھی تعاون حاصل ہے، جن کی مدد سے مذکورہ نوعیت کی رپورٹ ہر سال تیار کی جاتی ہے۔
افغانستان میں فضائی آلودگی، 8 ہزار سے زائد افراد متاثر
رپورٹ کے مطابق بدترین فضائی آلودگی والے دارالحکومت کی فہرست میں بھارتی دارالحکومت نئی دہلی پہلے نمبر پر ہے۔ جبکہ فضائی آلودگی والے بڑے شہروں میں بنگلادیش کا دارالحکومت ڈھاکا پہلے نمبر پر ہے۔
خیال رہے کہ بھارت کے فضائی آلودگی والے شہروں میں نئی دہلی، ممبئی، غازی آباد، کولکتا، بنگلورو اور پونے جیسے شہر شامل ہیں اور مجموعی طور پر بدترین فضائی آلودگی والے 30 میں سے 21 شہر بھارت کے ہیں۔
