The news is by your side.

Advertisement

دمشق: شام میں اسپتال پر فضائی حملہ،10افراد ہلاک

دمشق: شام کے شمال مغربی شہر کے اسپتال پر فضائی حملے میں بچوں سمیت دس افراد جان کی بازی ہار گئے.

تفصیلات کے مطابق باغیوں کے زیر کنٹرول شام کے شہر عدلب سے پندرہ کلو میٹر کے فاصلے پر اسپتال پر فضائی حملے کے نتیجے میں بچوں سمیت دس افراد جاں بحق ہوگئے.

خیال رہے کہ شام کی حکومت اور اس کے اتحادی روسی فوجی طیارے بھی شام کے مختلف شہروں میں بمباری کرتے رہے ہیں تاہم یہ پتہ نہیں چل سکا کہ اسپتال پر بمباری کن طیاروں کی جانب سے کی گئی.

یاد رہے کہ شام میں انسانی حقوق کے لیے کام کرنے والی تنظیموں کی جانب سے متعدد بار شام میں اسپتالوں پر فضائی حملے نہ کرنے کا مطالبہ کیا گیا جبکہ شامی اپوزیشن حلقوں کا کہنا ہے کہ شام اور روس کی افواج کی جانب سے اسپتالوں کو نشانہ بنایا جاتا ہے.

شامی امریکی میڈیکل سوسائٹی کے مطابق رواں سال جولائی کا مہینہ گزشتہ پانچ سالوں کے دوران سب سے بدترین ماہ رہا ہے جس میں متعدد اسپتالوں اور صحت کے مراکز کو نشانہ بنایا گیا.

واضح رہے کہ رواں سال صرف جولائی کے مہینے میں شام میں صحت کے مراکز پر تینتالیس بار حملے کیے گئے.دن میں ایک سے زائد بار بھی صحت کے مراکز کوفضائی حملوں میں نشانہ بنایا گیا.

Print Friendly, PDF & Email

Comments

comments

یہ بھی پڑھیں