site
stats
عالمی خبریں

بیروت : فضائی حملوں میں 25 شہری جاں بحق

بیروت: شام کے شمالی علاقوں میں امریکی اتحادی ممالک اور مقامی فضائیہ کی مختلف کارروائیوں کے نتیجے میں 25 شہری جاں بحق ہوگئے.

تفصیلات کے مطابق شام میں انسانی حقوق کے برطانوی مانیٹرنگ گروپ کا کہنا تھا کہ صدر بشار السد کی حمایتی فورسز نے حلب شہر کے ضلع طارق الباب کی ایک مارکیٹ پر فضائی حملہ کیا،حملے میں گیارہ شہری جان کی بازی ہار گئے.جبکہ شمالی علاقے میں ایک اور فضائی کاروائی میں پانچ شہری جاں بحق ہوئے.

انسانی حقوق کے برطانوی گروپ کے مطابق شام کے شمالی علاقے مانبیج میں اتحادیوں کے فضائی حملوں میں دو خواتین اور ان کے سات بچے جان کی بازی ہار گئے.

دوسری جانب شامی حکومت کے زیر انتظام علاقے پر عسکریت پسندوں کے میزائل حملوں میں پانچ افراد جاں بحق ہوئے.

یاد رہے اس سے قبل گذشتہ روز شام کے شمالی شہر حلب میں عسکریت پسندوں کے خلاف حکومتی فورسز کے آپریشن کے دوران جھڑپوں میں ستر فوجی اور عسکریت پسندجاں بحق ہوئے تھے.

واضح رہے کہ شام میں 2011 سے جاری کشیدگی اور بغاوت کے باعث دو لاکھ اسی ہزار سے زائد افراد ہلاک ہوچکے ہیں جبکہ لاکھوں کی تعداد میں شامی اپنے گھر بار چھوڑ کر اطراف کے ممالک میں پناہ گزین کیمپوں میں آباد ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top