The news is by your side.

Advertisement

کابل ایئرپورٹ پر ایئرٹریفک کنٹرول کا نظام معطل، افغان حکام کا نوٹم جاری

کراچی : امریکی افواج نےکابل ائیرپورٹ پر ایئر ٹریفک کنٹرول کی خدمات فراہم کرنا بند کر دیں، افغان حکام نے نوٹم جاری کردیا۔

غیر ملکی میڈیا کے مطابق افغانستان سے امریکی افواج کے انخلا کے باوجود کابل ایئرپورٹ کی سیکیورٹی اور انتظامات امریکی فوج کے اہلکاروں نے سنبھالے ہوئے تھے۔

تاہم اب افغانستان کے دارالحکومت کابل کی فضائی حدود بغیر ایئرٹریفک کنٹرول کے ہے، امریکی افواج نے کابل ایئرپورٹ پر ایئر ٹریفک کنٹرول کی خدمات فراہم کرنا بند کردیں۔

افغان حکام نے ایئرپورٹ پر ایئر ٹریفک کنٹرولر نہ ہونے کا نوٹم جاری کردی، نوٹم میں کہا گیا ہے کہ افغانستان کی فضائی حدود میں اے ٹی سی اور ایئرپورٹ سروسز دستیاب نہیں۔

نوٹم میں افغان حکام کا کہنا ہے کہ ممکنہ طور پر افغانستان سے نکلنے والا آخری امریکی طیارہ ٹرانسپورٹ کا ہے، کابل آنے اور جانے والی پروازیں انتہائی اقدامات کریں۔

Comments

یہ بھی پڑھیں