پی آئی اے کے طیاروں کی خریداری میں گھپلوں کا انکشاف -
The news is by your side.

Advertisement

پی آئی اے کے طیاروں کی خریداری میں گھپلوں کا انکشاف

کراچی : پی آئی اے میں بوئنگ 777 طیاروں کی خریداری میں مبینہ طور پر گھپلوں کا انکشاف ہوا ہے۔

ذرائع کے مطابق ایف آئی اے نے طیارون کی خریداری سے متعلق تحقیقات شروع کردی ہیں، اور اس سلسلے میں پی آئی اے کی جانب سے عدم تعاون پر چیئرمین پی آئی اے کو خط بھی تحریر کیا ہے ۔

ذرائع کے مطابق ایف آئی اے کارپوریٹ کرائم سرکل 777 طیاروں کی تحقیقات کررہا ہے ۔ طیاروں کی ڈیل سے متعلق متعدد بار ایف آئی اے نے پی آئی اے سے ریکارڈ مانگا تھا جو فراہم نہیں کیا گیا ۔

ذرائع کے مطابق ایف آئی اے نے بوئنگ 777 طیاروں کی خریداری سے متعلق بورڈ آف ڈائریکٹر کے اجلاس کی منظوری کے منٹس اور باقی مانندہ رقم کی تفصیلات بھی طلب کی ہیں۔

ذرائع کے مطابق قومی ایئرلائن نے طیاروں کی خریداری کیلئے ایک ملین 18 ہزارڈالر سے زائد رقم ایڈوانس ادا کیے تھے ۔ ذرائع کے مطابق ایف آئی اے u/s 175 PPC کے قانون کے مطابق ریکارڈ فراہم نہ کرنے پر عدالتی کارروائیبھی عمل میں لائی جاسکتی ہے ۔

Comments

comments

یہ بھی پڑھیں