site
stats
پاکستان

ملک کے تین بین الاقوامی ایئرپورٹس پر جدیداسکریننگ مشینوں کاآزمائشی آغاز

اسلام آباد: ملک کے تین بین الاقوامی ایئرپورٹس پرجاپان کی عطیہ کردہ جدید اسکریننگ مشینوں کاآزمائشی آغاز کردیا گیا۔

تفصیلات کے مطابق بین الاقوامی معیارکی ان مشینوں سے سامان کی اسکریننگ میں تاخیر کے باعث مختلف ایئرلائنز کے اعتراضات اور سامان کی اسکریننگ میں زائد وقت صرف ہونے کے باعث پروازوں کی روانگی میں تاخیرکی شکایات سامنے آئی۔

یورپی ممالک کی پروازوں کے ہر مسافرکے سامان کی اسکریننگ میں ایک منٹ کے قریب وقت صرف ہورہا ہے ، زائد وقت صرف ہونے کی بناء پریورپی ممالک میں پروازوں کی تاخیرسے آمد پرجرمانہ عائد کئیے جانے کا امکان ہے ۔

فکس سائز سے بڑے سائز کے لگیج کی اسکریینگ بدستورپرانی طریقے سے جاری ہے ، اے ایس ایف اور سول ایوی ایشن نئی نصب ہونے والی مشینوں پرسامان چیک کرنا چاہتی ہیں،جبکہ ائیرلائنز پرانی مشینوں پر سامان چیک کرنے پر اصرارکررہی ہیں۔

ائیرپورٹ ذرائع کے مطابق نئی مشین پر مسافروں کے فی بیگ چیکنگ کو ایک منٹ کا وقت درکار ہوتا ہے جبکہ پرانی مشینون پر فی بیگ صرف 20سیکنڈ میں چیکنگ مکمل ہوتی ہے، نئی مشینیں مسافروں کے سامان میں دھماکہ خیز مواد کی تفصیلی چیکنگ کرتی ہے، ۔

پی آئی اے اور دیگر ائیر لائنز پروازوں کی تاخیر سے بچنے کے لیے پرانی مشینوں پر سامان چیک کروانے کے لیے اصرار کر رہی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top